國泰最新一輪大專生優惠出爐啦！優惠同以往一樣適用於讀緊本港指定高等教育學院之全日制學位及副學位課程學生，DSE嘅同學仔都一樣參加得，考完就可以立即又飛啦！
同以往一樣，優惠航點包括日韓台東南亞同歐洲等地方，來回台灣HK$860起、東南亞HK$1,290起、韓國HK$1,400起、日本HK$1,900 起、歐洲HK$2,800 起！我哋亦都一如以往，同大家分析下呢次優惠先。
台灣航點：台北/台中/高雄HK$860，連稅HK$1,448起
短評：以國泰嘅價錢嚟講算係入手範圍，鍾意國泰嘅同學仔可以考慮。如果想平啲嘅，可以留意港航嘅平飛優惠，最平試過連稅千二，但留意港航得20KG行李，而國泰就有成30kg行李，想掃多啲貨嘅話，國泰都值得入手。
韓國航點：首爾/釜山HK$1,400，連稅：釜山HK$2,022起、首爾HK$2,057起
短評：韓國線嘅優惠真係一般般，因為飛韓國真係爆多平盤選擇，要廉航有廉航，要傳統航空有傳統航空，依口價唔算太和味，單以價錢嚟講，韓亞航空及大韓航空經常都有做Last Minute優惠，連稅後價錢都係差唔多（https://flyagain.la/75191），不過國泰勝在有靚時間，選擇又夠多，可以早去晚返，玩哂咁多日。
日本航點：來回機票HK$1,900起，連稅：福岡HK$2,500起、大阪HK$2,647起、東京HK$2,817起
短評：日本線真係好有驚喜呀！各個航點連稅2千5至2千8，比平日特價飛或者Fanfare再平多幾百蚊呀！以加咗燃油附加費嚟講，呢口價真係近期低位，國泰日本線平時有優惠連稅都要三千左右，依家劈成差唔多5百，真心無得輸呀！呢口價包30kg行李之餘，大專生優惠機票仲有21日嘅有效期，比平時7日有效期嘅飛多咗足足14日，今次連ANA同日航都唔夠砌啦（詳情：https://flyagain.la/73800）！至於飛福岡想平啲可以睇睇快運再比比價！
歐洲航點：來回機票HK$2,800起，連稅：都柏林HK$4,142起、布魯塞爾HK$4,300起、米蘭HK$4,977起、巴黎HK$5,209起、倫敦HK$5,694起
短評：今次飛歐洲真係麻麻地，得都柏林同布魯塞爾可以叫睇得吓，其餘歐洲航點連稅都要四千九以上，飛倫敦更加要成五千六，真係貴咗啲！平時英航或者維珍做優惠都仲平過佢（https://flyagain.la/75751），有興趣可以先比比價！國泰勝在直航機，唔駛轉機，慳番啲時間用嚟玩盡每一日。但無乜Budget又想歐洲嘅，不妨睇睇漢莎航空（https://flyagain.la/75790）或者中東三寶，連稅都係三千尾四千頭，叫平啲啦。
東南亞航點 HK$1,290起，連稅：曼谷 HK$1,952起、新加坡HK$1,951起、布吉HK$2,162起
短評：飛東南亞真係勁多航空公司揀，例如飛曼谷想坐靚機可以睇下中東三寶阿聯酋有冇做優惠，連稅都係千四左右，包30kg行李俾你瘋狂Shopping，但航班時間就晚機去早機番； 飛新加坡可以揀新加坡航空，話哂係全球最佳航空，機隊又新又多選擇，例如A380、A350、787等等，價錢又差唔多，訂飛前不妨先比比價！
*優惠票價適用於本港指定高等教育學院之全日制學位、全日制副學位的學生及2019年度香港中學文憑考試嘅應屆考生，並於機場預辦登機櫃位出示有效之學生證或准考證，而該學生證有效期之年份須為2019年或以後，而香港中學文憑考試准考證之發出年份必須為2019年。
【出發日期】4月25日至5月9日，5月12日至6月5日，6月8日至27日，6月30日至7月11日，8月23日至9月15日
【歐洲線出發日期】4月25日至6月13日、9月12日至15日
【機票有效期】21日
【訂票日期】即日起至4月30日
【訂購網址】https://www.cathaypacific.com
（覺得抵可Whatsapp同LINE Share俾朋友）
【大專優惠】國泰港龍大專生優惠！幫您分析抵唔抵！台灣$860起、韓國$1,400起、日本$1,900起、歐洲$2,800起
