嚟緊2018年大家諗住飛去邊玩？如果仲未有計劃？不如睇睇旅遊達人Chris Leung梁彥宗介紹啦！成日都周圍飛嘅佢，今次為大家推介3個適合深度旅遊嘅城市，包括：伯利茲考克島（Caye Caulker）、斯里蘭卡艾勒（Ella）同秘魯庫斯科（Cusco）。如果您都係想飛多啲，同埋近近哋去吓日韓台嘅地方？咁就啱晒啦，依家有個勁賺Asia Miles嘅優惠推介俾您，想知係咩？睇到最底您就知啦！
【伯利茲考克島】
考克島（Caye Caulker）係位於中美洲伯利茲其中一個最著名嘅外島，雖然唔及Ambergris Caye多人識，但考克島相對細啲，遊人又少啲，感覺更加避世，島上出名多龍蝦食，鍾意食海鮮嘅您又點可以錯過？考克島上有唔少Tour帶大家去潛水，當中必到嘅潛水點就係Hol Chan，有好多海龜、魔鬼魚和鯊魚（護士鯊），可以同佢哋一齊潛水！超正！
仲可以去伯利茲好出名嘅奇觀神秘天坑-伯利茲大藍洞（船程約3小時，由考克島出發比Ambergris Caye出發更近），近距離一睹世界必看奇觀，勁震撼！
考克島英文Caye Caulker入面嘅Caye（讀音:Key），意思係珊瑚礁上嘅沙島，所以成個島基本上都係由白沙構成，零石屎路，四圍都係沙灘，真係好似人間天堂。
【斯里蘭卡艾勒】
艾勒（Ella）係斯里蘭卡著名嘅小鎮，更有人讚佢係斯里蘭卡風景最靚嘅地方。艾勒嘅火車旅程相當聞名，會途經唔少山谷、村莊、茶園，景色超靚。鍾意飲茶嘅朋友仲可以去茶園飲正宗斯里蘭卡錫蘭茶添！
艾勒每年都吸引唔少行山愛好者去，因為當地有一條好著名嘅行山路線「Ella Rock」，山頂同沿途景色勁靚，難度唔算太高，來回時間約4小時，但由於行山路線唔太明顯，所以有機會盪失路，建議先問定當地人拎地圖，加上沿途再不停問人，見到其他backpackers一齊行仲好，非常值得去行㗎。
斯里蘭卡人普遍都好nice好warm，佢哋會好熱情同您傾偈，亦都唔駛怕接受佢哋嘅好意。夜晚市內有唔少酒吧營業，可以體驗當地人嘅生活。
另一個斯里蘭卡著名嘅山鎮係Nuwara Eliya，可以同艾勒一齊遊覽，Nuwara Eliya比較似大城市，需艾勒有嘅就係小鄉村風情。
【秘魯庫斯科】
庫斯科（Cusco）係去馬丘比丘前必到小鎮，以前係印加帝國首都（馬丘比丘就係印加古蹟）， 歷史文化悠久，保留咗好多古蹟，同時又有殖民時期嘅建築風格（例如教堂），成個城市都係UNESCO World Heritage，又有人叫佢做「美洲考古之都」。
因為庫斯科係去馬丘比丘前必到小鎮，所以市內有唔少行山用品店可以選購或添置裝備，仲有去馬丘比丘嘅Tour或行山團可以報。庫斯科海拔有3,000幾米，氣候長年都唔會太熱，通常20度以下。鎮內嘅橫街斜巷有很多hipster bars，就算對古蹟冇好大興趣，鎮內嘅氣氛同熱鬧嘅小店都可以令您愛上呢個地方。
＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
睇完Chris嘅推介，好想孭起背包，旅行出走？記住，去Expedia訂酒店勁抵呀！依家Asia Miles聯同Expedia推出超強優惠：即日起至12月31日期間，經指定連結去到Expedia香港網站訂房，可以賺取5倍Asia Miles，簡單嚟講，即係每消費HK$10可賺10里數，前所未有咁抵！每次預訂不設最低消費額，多訂多賺，全球酒店都適用。
小編提提大家，要經指定連結進入網站先有得賺里數（要留意左上角有Asia Miles Logo，平時就咁入Expedia主頁係冇里數賺嘅，否則住完冇里數就冇得追㗎），另外填寫旅客資料時記得輸入有效嘅「亞洲萬里通」會員號碼，完成入住後4至8週內，基本里數（HK$10=2里數）會自動存入您AsiaMiles帳戶內，而額外里數會喺5月底前入帳。再者，入住人姓名一定要同Asia Miles帳戶姓名一樣，如果唔同，就賺唔到有關里數啦。
5倍Asia Miles名額有3,000個，錯過咗都仲有2倍Asia Miles，不過，小編收到風呢個offer仲有充足Quota，揀好心水酒店就好把握機會訂房啦，如果Quota已滿，推廣網頁上都會有通知㗎！即上Expedia Book房啦！
訂購連結：www.expedia.com.hk/asiamiles
預訂日期：2017年11月20日至12月31日
住宿日期：2017年11月20日至2018年3月31日
了解優惠詳情：www.asiamil.es/2jw7TRt
優惠受條款及細則約束
（覺得抵可Whatsapp同LINE Share俾朋友）
勁賺Asia Miles！上Expedia訂酒店每$10賺10里數！全球酒店都訂得！睇埋旅遊達人Chris Leung深度旅遊城市推介！