去開日本嘅大家，除咗喺傳統網站訂酒店之外，又有冇試過Rakuten Travel呢？
樂天集團喺全球擁有16億會員，旗下 Rakuten Travel係日本領先OTA，絕對值得信賴！如果去日本搵住宿，酒店選擇都多啲，而且每間酒店都有深度豐富的入住計劃選擇 ：例如包唔包餐、一泊兩食食咩餐等，都有幾個選擇，酒店及套餐資訊十分詳細，盡顯日本人嘅細心～Rakuten Travel不時仲會推出本地化的優惠和活動，一年要飛幾轉日本嘅大家，要得閒上去睇睇啦！
而家Rakuten Travel就推出會員首次預訂嘅優惠，只要12月15日前免費註冊成為Rakuten會員，再到網站登入並領取優惠券，即可享有9折優惠！加埋期間限定Super Sale低至5折！大部分酒店都可以限期前免費取消，夠晒安心！即睇小編教學：
Step 1: 瀏覽 或 下載Rakuten Travel手機程式，點擊優惠券
或直接登入
Step 2: 登入後領取優惠券
Step 3: 搜尋理想的目的地及旅遊日期，選擇喜歡的住宿
Step 4: 選擇喜歡的房型及食宿套餐，優惠券已自動套用在價錢上，付款即完成預訂！
咁開心有折上折優惠用，當然唔少得小編推介返幾間酒店俾大家啦：
Arima Onsen Gekkoen Korokan（有馬溫泉月光園鴻朧館）
去得日本當然要浸返個溫泉啦！有馬溫泉貴為日本三大古溫泉，位於神戶市以北，就算係大阪出發搭高速巴士都係個零鐘就到，夠晒方便！
而月光園鴻朧館都來頭唔細，連續11年都被選做五星酒店，一泊兩食中晚餐更係食懷石料理，運用大量嚴選新鮮海鮮和山珍海味，盡顯矜貴。
酒店另外仲提供來往有馬溫泉電車站和有馬町各巴士站的接送服務，十分細心。去歎返晚真係賓至如歸，疲勞盡消！
以2023年1月23入住一晚為例，入住日式房間兼享用日式早餐及晚餐，每房連稅原價HK$3,764起（如享用懷石料理要再貴少少～）
Yufuin Onsen Hoteiya（由布院溫泉布袋屋旅館）
講到溫泉，當然唔少得大家都識嘅由布院啦！呢個被日本OL票選為心目中最佳旅遊景點的寧靜溫泉小鎮，同時都吸引好多外國遊客嚟浸溫泉，由福岡博多搭巴士，都只係2小時車程左右，最啱就係去歎返兩日一夜～
布袋屋旅館係日式傳統旅館，有濃濃的日本風味，館內當然唔少得有溫泉俾大家享用，但想更盡情浸，可以選擇包私人溫泉嘅房型。
而住宿計劃都係以一泊兩食為主，以2023年3月8入住一晚為例，入住最平嘅本館九重日式客房兼包日式早餐及晚餐，每房連稅原價HK$2,668起（可加錢升級選擇食日本黑牛沙朗牛排懷石料理！）但房間供應緊張，最快都要3月先有房，想book就快手啦！
Premier Hotel Cabin Osaka（大阪普樂美雅艙酒店）
位置絕佳嘅四星酒店，樓下就係天滿宮/南森町站，距離梅田1個站，難波都只係4個站！大熱門燒肉店万両距離酒店只係3分鐘步程，附近仲有好多小店、居酒屋，方便大家出去吃喝玩樂，絕對係去大阪嘅理想之選！
酒店主要分包早餐及唔包餐嘅住宿套餐，雖然話日本多好西，但呢間酒店連續兩年榮獲最佳早餐獎，當然要試試佢啦！
以2023年2月21日一住一晚大床房包早餐為例，每房連稅原價只係HK$1,378起（唔包早餐平HK$200左右），以呢個地點嚟計真係超值，淨係交通費都慳返唔少啦！可以考慮呀！
Grand Nikko Tokyo Daiba（台場格蘭太平洋酒店）
位於台場站旁嘅四星半酒店，大部分房都望到海景。酒店距離台場眾多景點，包括高達模型、自由女神像、台場海濱公園、新開嘅Small Worlds Tokyo等，都係步行範圍內；而距離大熱景點豐洲巿場、豐洲teamlab，都只係7個站就到；如果出去玩，直接一條線搭到去新橋站就可以轉到JR同地鐵，交通十分方便！
酒店內設有戶外及室內泳池，就算係冬天都可以游！酒店另設有水療、美容院、酒吧等設施，俾大家唔離開酒店都可以chill返下～以2023年2月27日一住一晚大床房，每房連稅原價只係HK$1,563起，以台場呢個地段來說真係十分不錯！
Rakuten Travel有咁多間酒店選擇，真係寫都寫唔完！即上Rakuten Travel網站，搵你心水嘅日本酒店啦～
【領取優惠券日期】即日起 至 12月15日23:00
【入住酒店日期】即日起 至 2023年5月31日
【領取及預訂網址】https://travel.rakuten.com/
（覺得抵可Whatsapp同LINE Share俾朋友）
【酒店】一文睇清領取優惠券步驟及精選酒店！Rakuten Travel推Super Sale及會員首次預訂優惠，多間日本酒店及食宿套餐都可享低至5折優惠！12月15日或之前領取優惠券額外多9折！
#以上價錢只供參考，或會有浮動。如有出入，則以預訂網址為準。以上圖片只供參考。優惠受條款及細則約束，建議預訂前先行細閱
