男士福音！成日都Ladies’ Night，對男士係有啲唔公平嘅！好啦好啦！我哋聽到你嘅心聲啦！今次呢個團男士免費呀！！！男男女女一齊去下白泥釣魚、睇日落、BBQ！女士就原價！不過呢個世界邊有免費午餐？男人唔想俾錢咁咪打工換「餐」囉！
旅行團名稱：【Men’s Night】 男士「打工換餐」旅行團（ULUHKTOUR17）
價錢（金額以付款頁面為準）：
男士不想努力價 – HK$0 （冇睇錯！係一蚊都唔使俾！）
女士甜心老母價 – HK$799起
最少成團人數：20人（如人數不足，將會取消行程，並於出發日前 3 天以 Email 通知）
出發日期： 2022年1月15日
集合地點及時間：下午3時 於 尖沙咀中間道集合
包咩：
– 一日遊
– 下白泥釣魚場入場費
– 魚竿租用費
– 保險
– 交通接駁
– BBQ晚餐
– 男士服務（女士專享）
唔包咩：其他未提及費用
男士免費攻略：
步驟一：去ulu網站按$0選項報名先（放心，呢一步仲未洗俾錢住）
步驟二：收到你Booking後，ulu會主動聯絡男參加者
步驟三：男參加須以WhatsApp向我哋交出2張本人近照（正面相＋全身相），千祈唔好俾假相，到時真人唔同樣要俾返全費HK$799㗎！
步驟四：靜心等候～會有美女做審批，好快有結果
步驟五（如有）：WOW！你得咗啦！記得交返HK$100留位費呀（完成旅行團後會退還）！
女士參加方法：
步驟一：去ulu網站按$799選項報名，跟手俾埋錢就搞掂！
注意！唔使交相，只要你係25 – 39歲女士就可以參加！
行程簡介：
釣魚場釣魚 – 考驗耐性嘅釣魚場釣魚，落力啲釣完即買即燒，仲有得打卡添！（唔包魚獲及加工等費用，需自行購買）
下白泥睇日落 – 全港最受歡迎嘅睇日落地點之一，日落咁靚男士梗係要幫手影返幾千張相先啦！
BBQ晚餐 – 甜心老母坐喺度等食就得啦！男士就乖乖哋幫手燒嘢食～
今次會去平時交通超級超級唔方便嘅下白泥，悠閑慢活咁「姜太公」釣魚，釣到咪加餸，釣唔到都唔緊要，我哋準備左一人份嘅BBQ set比大家輕輕鬆鬆去郊遊、睇日落！
唔使錢就有得食點都要付出代價嘅，不過服侍吓女仔都唔係咁難，都係幫女仔（無得揀）影幾千張（！）相比佢po IG，再幫佢釣到魚俾佢拎住打卡，同埋幫佢哋燒雞翼、腸仔啫！仲有睇下到時每位女士有咩要求啦 (得戚笑emoji)，又唔洗賣身，輕鬆啦！
【預訂日期】即日起 至 2022年1月11日
【出發日期】2022年1月15日
【預訂網址】ulu.travel
（覺得抵可Whatsapp同LINE Share俾朋友）
【本地】男士免費！姨姨我不想努力了！Men’s Night「打工換餐」旅行團！釣魚睇日落BBQ直落男士免費！歡迎女士參加！22年1月15日出發
條款及細則：
– 本團適合18 – 45歲男士； 25 – 39歲女士參加
– 現時婚姻狀況為未婚，並承諾真實無誤
– 訂單一旦確認，參加者位置不能轉讓
– 男方須交出2張本人近照（正面相＋全身相），以供主辦方甄選免費參團的人選
– 主辦方有全權決定免費參團的男方人選，參加者不得作出任何異議
– 被選中的男方可以免費參團，費用包括保險、釣魚場入場費、1人份BBQ食物（不包括魚獲及加工等費用，需自行購買）； 並須在確認後付上HK$100按金（行程結束後會全額退回）
– 男方若到場後與照片不符（即騙照／P圖），須即場付上全費HK$799
– 旅行團途中，男方需幫女方打工換「餐」（例如：幫手釣魚、影相同燒野食）
– 報名時必須繳付全費
– 出發人數及詳情等將根據香港特區政府的最新防疫措施或會作出調整
– 本旅遊產品實行香港特區政府規定之防疫措施，參加者亦應遵守相關措施，包括必須使用「安心出行」應用程式
– 行程次序如有改動，以最終服務提供者安排為準
– 菜單因季節或供應情況食材可能有更改
– 如因天氣、交通情況惡劣或非本公司所能控制情況下，在全體安全考慮下，領隊有權隨時更改或取消部份行程。參加者不得藉故要求退款或減收費用
– 如團友在旅程中沒有依照工作人員指引而發生任何意外或導致財物損失，本社概不負責
– 旅行團服務費屬建議性質
– 所有參加者必須遵守有關規則，如不遵守規則，工作人員有權拒絕參加者繼續接下的行程
– 請穿著舒適步行鞋及衣著
– 最少出團人數20人。如報名人數超額，會以先到先得形式作出安排；如遇人數不足，將會於原定活動日期三個工作天前通知活動取消及後安排更改日期或退款
– 請務必於十分鐘前抵達指定地點，為避免耽誤之後行程，逾時不候
– 參加者自行離團，請自行承擔風險責任
– 出發前一天由工作人員通知客人落實團隊資料
– 出發前三小時，如香港天文台發出3號或以上熱帶氣旋信號、或紅色暴雨警告信號，團隊將會取消。1號熱帶氣旋信號、黃色暴雨訊號團隊照常出發。如因天雨關係，部份景點不能前往，工作人員會視乎當時安全情況下決定更改或取消，團費不作退回。其他自然災害，非人力可控之情況，本公司有權取消或更改行程內容，並儘早通知參加者。
– 以上行程僅供參考，以當天工作人員安排為準
留言