去韓國機會嚟啦！由2022年7月1日起，只要有香港特區護照同BNO護照就可以透過K-ETA免簽證入韓國，唔使打針同隔離。以下為大家整合左一個K-ETA懶人包，教你點樣申請K-ETA同一啲注意事項～
申請費用
K-ETA申請費用為10,000韓元（大約HK$60），即使你嘅申請被拒都唔會退返
申請流程
1. 切記！切記！最少登機前72小時到K-ETA官網(www.k-eta.go.kr)或者K-ETA APP填寫個人申請資料。
2. 選擇「Apply for K-ETA」，然後選擇你嘅地區同國籍，並且輸入你嘅個人電郵地址（BNO記得揀EUROPE）
3. 輸入你嘅護照資料，記住！護照有效期要有6個月或以上同埋最少有一頁空白
4. 填寫其他資料，包括聯絡電話、在韓地址、訪韓目的等
5. 上載一張彩色個人近照（少於100KB同埋少於700*700 pixel）
6. 透過網上支付申請費用10,000韓元（大約HK$60）（接受VISA、Master、JCB同AMEX）
7. 等結果，結果會喺72小時之內透個電郵通知，亦都可以喺官網或者K-ETA APP check返你嘅結果
常見問題
Ｑ：K-ETA可以係韓國逗留幾耐？
Ａ：香港／美國／英國／台灣護照：90日，馬來西亞護照：3個月，加拿大護照：6個月
Ｑ：邊個要申請K-ETA？
Ａ：根據目前韓國規定，打算去韓國觀光、探親、參加活動或會議、商貿活動等，都要需要申請K-ETA， 要申請K-ETA嘅國家及地區包括香港、澳門、英國、日本、馬來西亞、台灣、美國、澳洲、紐西蘭等，如果你嘅地區本身需要申請簽證進入韓國，則唔需要另申請K-ETA，詳細可以參考K-ETA官網
Ｑ：K-ETA有效期係幾耐？
Ａ：2年，期間可以隨意出入韓國，次數不限。但如果passport不足2年有效，ETA會隨護照過期日過期
Ｑ：有K-ETA仲要唔要隔離？
Ａ：根據目前韓國規定，即使無打疫苗，入境韓國都唔使隔離，只要出發前喺檢疫情報預先登記系統Q-CODE （https://cov19ent.kdca.go.kr）填寫個人資料就可以
Ｑ：入境韓國前後要唔要PCR檢測？
Ａ：（入境韓國前）喺出發日48小時內要接受PCR核酸檢測，要提供陰性證明方先可以上機，又或者可以喺出發日24小時內進行快速抗原測試並提供陰性證明，代替PCR核酸檢測。（入境韓國後）要1日內喺仁川機場或指定診所接受PCR核酸檢測
Ｑ：可唔可以幫朋友/家人一齊申請K-ETA？
Ａ：可以，一個申請人最多可以申請30個人
Ｑ：如果我想去濟州島要唔要K-ETA？
Ａ：如果只係去濟州島係唔需要申請K-ETA，但如果去完濟州島再去韓國其他地方就要申請K-ETA。
Ｑ：如果我本身已經有韓國嘅有效簽證（如商務、學生等），仲要唔要申請K-ETA？
Ａ：唔需要。
Ｑ：如果我本身已經擁有韓國註冊外國人身份，仲要唔要申請K-ETA？
Ａ：唔需要。
如果想要多啲詳細資料，可以去到K-ETA官網（www.k-eta.go.kr）了解更多。其實成個過程10分鐘內就搞掂，十分簡單，批咗就可以用2年，都唔會造成好大麻煩！大家又有冇興去韓國玩返轉見下oppa呢？
【韓國】免打針隔離 最新快速教學! 韓國K-ETA申請懶人包 5分鐘整好簽證 內附詳細教學同注意事項
留言