請即Like 又飛啦!Facebook Page

去韓國機會嚟啦!由2022年7月1日起,只要有香港特區護照同BNO護照就可以透過K-ETA免簽證入韓國,唔使打針同隔離。以下為大家整合左一個K-ETA懶人包,教你點樣申請K-ETA同一啲注意事項~

申請費用
K-ETA申請費用為10,000韓元(大約HK$60),即使你嘅申請被拒都唔會退返

申請流程
1. 切記!切記!最少登機前72小時到K-ETA官網(www.k-eta.go.kr)或者K-ETA APP填寫個人申請資料。
2. 選擇「Apply for K-ETA」,然後選擇你嘅地區同國籍,並且輸入你嘅個人電郵地址(BNO記得揀EUROPE)
3. 輸入你嘅護照資料,記住!護照有效期要有6個月或以上同埋最少有一頁空白
4. 填寫其他資料,包括聯絡電話、在韓地址、訪韓目的等
5. 上載一張彩色個人近照(少於100KB同埋少於700*700 pixel)
6. 透過網上支付申請費用10,000韓元(大約HK$60)(接受VISA、Master、JCB同AMEX)
7. 等結果,結果會喺72小時之內透個電郵通知,亦都可以喺官網或者K-ETA APP check返你嘅結果

常見問題
Q:K-ETA可以係韓國逗留幾耐?
A:香港/美國/英國/台灣護照:90日,馬來西亞護照:3個月,加拿大護照:6個月

Q:邊個要申請K-ETA?
A:根據目前韓國規定,打算去韓國觀光、探親、參加活動或會議、商貿活動等,都要需要申請K-ETA, 要申請K-ETA嘅國家及地區包括香港、澳門、英國、日本、馬來西亞、台灣、美國、澳洲、紐西蘭等,如果你嘅地區本身需要申請簽證進入韓國,則唔需要另申請K-ETA,詳細可以參考K-ETA官網

Q:K-ETA有效期係幾耐?
A:2年,期間可以隨意出入韓國,次數不限。但如果passport不足2年有效,ETA會隨護照過期日過期

Q:有K-ETA仲要唔要隔離?
A:根據目前韓國規定,即使無打疫苗,入境韓國都唔使隔離,只要出發前喺檢疫情報預先登記系統Q-CODE (https://cov19ent.kdca.go.kr)填寫個人資料就可以

Q:入境韓國前後要唔要PCR檢測?
A:(入境韓國前)喺出發日48小時內要接受PCR核酸檢測,要提供陰性證明方先可以上機,又或者可以喺出發日24小時內進行快速抗原測試並提供陰性證明,代替PCR核酸檢測。(入境韓國後)要3日內喺仁川機場或指定診所接受PCR核酸檢測

Q:可唔可以幫朋友/家人一齊申請K-ETA?
A:可以,一個申請人最多可以申請30個人

Q:如果我想去濟州島要唔要K-ETA?
A:如果只係去濟州島係唔需要申請K-ETA,但如果去完濟州島再去韓國其他地方就要申請K-ETA。

Q:如果我本身已經有韓國嘅有效簽證(如商務、學生等),仲要唔要申請K-ETA?
A:唔需要。

Q:如果我本身已經擁有韓國註冊外國人身份,仲要唔要申請K-ETA?
A:唔需要。

如果想要多啲詳細資料,可以去到K-ETA官網(www.k-eta.go.kr)了解更多。其實成個過程10分鐘內就搞掂,十分簡單,批咗就可以用2年,都唔會造成好大麻煩!大家又有冇興去韓國玩返轉見下oppa呢?

【韓國】免打針隔離 最新快速教學! 韓國K-ETA申請懶人包 5分鐘整好簽證 內附詳細教學同注意事項

- Booking.com訂房:泰國 | 日本 | 台灣 | 韓國

- AGODA訂房:泰國 | 日本 | 台灣 | 韓國

*由於優惠產品供應有限,最終格價或因反應熱烈而有所調整,敬請留意。