論今日大新聞，梗係HK Express宣佈更改票價中行李政策，簡單講咪加價囉～
有六點留意：
1. 最低票價「輕便飛」刪除咗「登機行李」，如果想拎一件手提行李，就要選擇「經濟飛」，每程加HK$50，留意新制下手提+輕便行李共計不多於7kg，舊制係輕便行李唔計入7kg限額內（小編：好多週末飛幾日嘅朋友一般好需要手提行李，因行李唔多唔需要買寄艙行李，呢HK$100無得慳要俾）。
2. 行李以件為單位，唔再以總重量計算，兩件寄艙行李就算加埋唔過20kg，都要加錢買行李（小編：都幾大影響，唯有用大喼盡量裝晒所需物品，唔好再分幾個細喼寄艙）。
3. 如選擇「輕便飛」，您嘅隨身物品必須能置放前座位下方（而唔喺頭頂嘅行李架）並且不得超過40厘米（長）x 25厘米（寬）x 20厘米（高）及7公斤（重量）。任何超出限制的物品將被收取費用並需寄艙（小編：根據坐歐美廉航經驗，如果當時行李架仍有位置，一般都可以照放隨身物品上行李架的，又睇快運到時如何執行規定）。
4. 寄艙行李定價唔再分日韓 vs 其他，所有航點劃一價，換言之非日韓地區行李各款每程加HK$20（小編：來回共加HK$40，唯有帶少啲嘢去避免買寄艙）。
5. 在閘口如發現超出尺寸／數量／重量限制之手提行李，亦視為閘口行李需要寄艙。所有閘口行李必須符合寄艙行李尺寸及其重量不能超過32公斤。剩餘的寄艙行李額不能用於減免行李費用，每件HK$800。
6. 同行乘客之間不能共享行李寄艙額（小編：好大影響，唯有朋友間一齊執行李，盡量用盡彼此行李空間，搞掂先去Check-in）。
整體而言，跟返歐美廉航個套政策。當中第5點肯定係衝住日本返港某類乘客而設，唔好再因為行李架爆滿手信而搞到延遲起飛，都係好事嚟。
補充：如果您在 2024 年 5 月 8 日之前預訂機票，您仍可享有航班原票價種類的限額。
航空公司：香港快運航空（UO）
航點：東京羽田（HND）、大阪（KIX）
來回連稅價錢：HK$1,593起、HK$1,635起（每人計，不包手提及寄艙行李，包手提行李每程加HK$50）
行李：
寄艙- 詳情
手提- 一件隨身物品（可放置於前方座位下方，如小型背囊）詳情，想帶多一件手提行李，請揀選「經濟飛」票價，每程加HK$50（手提+隨物物品重量不超過7kg）
結論：正所謂一啖沙糖一啖X，呢頭大幅更改行李政策，另一邊廂靜靜雞減東京羽田及大阪，如果之前執唔到國泰母親節HK$520優惠碼，咁UO呢一刻都算最平嘅～Check過系統，供應量不俗，趁無人知入手啦～
【預訂網址】www.hkexpress.com
【訂購日期】售完即止
【出發日期】7月10日前（視乎供應）
（覺得抵可Whatsapp同LINE Share俾朋友）
【東京 大阪】附新行李政策分析！香港快運來回連稅東京羽田$1,593起、大阪$1,635起，7月10日前出發
#以上資料只供參考，或有浮動。如有出入，則以預訂網址為準。以上圖片只供參考。優惠受條款及細則約束，建議預訂前先行細閱
- Booking.com訂房：泰國 | 日本 | 台灣 | 韓國 - AGODA訂房：泰國 | 日本 | 台灣 | 韓國 ＊由於優惠產品供應有限，最終格價或因反應熱烈而有所調整，敬請留意。
留言