請即Like 又飛啦!Facebook Page

仲記唔記得我哋介紹過伊朗德黑蘭呢個冷門地方嘅平機票?繼上次報過俄航連稅四千頭左右,今次呢個價仲要再平多一截,主角係阿斯塔納航空:香港經哈薩克阿拉木圖來回德黑蘭只需HK$3,092(連稅HK$3,731)起。呢口價真心平,以往上廣州飛都要6XXX,今次做到呢口價,有心去嘅絕對值得入手!暫見由6月至10月都搵到,包括暑假旺季都有,不妨襯住暑假都有咁平,去勇闖呢個既神秘又吸引嘅地方!

至於伊朗點解咁有吸引力,全因夠晒神秘感,啱晒有冒險精神嘅背包客,其實佢唔係想像中咁神秘咁得人驚驚,當地著名景點包括國家博物館、巴列維皇宮建築群、尼雅瓦朗皇宮建築群、德黑蘭現代藝術博物館等。而且當地有地鐵,交通都算方便,去當地旅遊其實都安全無咩大問題。

另外提番大家簽證,前往伊朗嘅BNO持有人,必須到領事館辦理簽証,文件要求較多,收費約HK$900;所以建議使用特區護照入境,可於抵達後申請落地簽証(約HK$630),最長停留期7天,不過由於有唔成功例子,所以建議都係先到領事館辦理,收費約HK$800,可逗留14天。不過如果護照內印有以色列嘅簽證或蓋章,入境伊朗係違法架!至於,美國護照持有人簽証或入境都有一定困難,所以用邊本護照自己諗清楚。簽證資料以領事館公布為準。查詢:2845-8002;地址:灣仔港灣道6號瑞安中心2418室。

補充多少少呢間航空公司,可能好多人都未聽過佢個名,其實佢係來自哈薩克嘅航空公司,兼係Skystrax四星航空公司,質素方面備受肯定,唔駛擔心安全同服務問題。事先講明去程只有周五有平、回程限周四航班,去程飛德黑蘭去程有20小時時間轉機停留時間,大家係需要入境過一晚夜,順道快閃觀光囉(香港特區護照持有人可免簽證進入哈薩克停留14日),咪話小小編冇講明喔。如果想去又想搵伴,試吓加入「又飛啦旅人團」搵旅伴。

【出發日期】6月10日起至10月21日(去程限星期五、回程限星期四)
【機票有效期】1個月(最遲10月27日回程)
【最後訂票日期】售完即止

【訂購網址】www.ctrip.com.hk
【預訂教學】http://flyagain.la/34618

(覺得抵可用Whatsapp同LINE Share俾朋友架)

爆平!暑假闖蕩伊朗!阿斯塔納航空香港來回德黑蘭$3,092起,10月21日前出發

- Booking.com訂房:泰國 | 日本 | 台灣 | 韓國

- AGODA訂房:泰國 | 日本 | 台灣 | 韓國

*由於優惠產品供應有限,最終格價或因反應熱烈而有所調整,敬請留意。