請即Like 又飛啦!Facebook Page

成日講熱門地方平機票,到Weekend又介紹吓冷門嘢,去汶萊啱唔啱?依家搭馬來西亞航空,經吉隆坡來回汶萊首都斯里巴加灣(Bandar Seri Begawan),每位只需HK$2,300(連稅HK$2,489)起,以往轉機盤冇三千五以上都唔駛諗,馬航呢口價平成千蚊,以價論價係抵坐,但只適合敢搭馬航嘅朋友!Check過呢口價7-8月正暑假都有!講到汶萊大家最熟嘅可能就係吳尊嘞,當地其實都有唔少景點值得一看,例如汶萊博物館、皇家典禮廳、蘇丹皇宮、水村、Empire旅館、奧馬阿里賽夫丁回教堂、哈沙尼爾齊安回教堂等等,都顯露呢個被譽為亞洲最有錢國家嘅浮華一面,治安上都冇大問題,想去冷門地方玩,汶萊都唔錯喇!

講明先呢張飛經吉隆坡轉機,去程停留時間有11小時,回程約2小時,去程時間稍長,如果大家想中停吉隆坡玩幾日再飛汶萊,就加HK$484,有興趣玩埋都係抵。想訂中停用多個目的地功能Search,第一程輸入香港-吉隆坡,第二程吉隆坡-斯里巴加灣,第三程斯里巴加灣-香港。

提提您:持香港特區護照免簽證前往汶萊,最長逗留日期為十四天,BNO持有人需要先到汶萊駐香港領事館辦理簽證,單次簽證費用約為HK$350。(資料以相關機構公佈為準)

【出發日期】即日起至2017年3月31日(旺季除外)
【機票有效期】1個月
【最後訂票日期】售完即止

【訂購網址】www.expedia.com.hk
【預訂教學】http://flyagain.la/31983

(覺得抵可用Whatsapp同LINE Share俾朋友架)

暑假揀冷門!馬航來回汶萊首都斯里巴加灣$2,300起,可中停吉隆坡,2017年3月31日前出發

- Booking.com訂房:泰國 | 日本 | 台灣 | 韓國

- AGODA訂房:泰國 | 日本 | 台灣 | 韓國

*由於優惠產品供應有限,最終格價或因反應熱烈而有所調整,敬請留意。