請即Like 又飛啦!Facebook Page

嘩!八千萬八千萬八千萬呀!如果中咗八千萬,即刻炒自己魷魚坐頭等環遊世界啦!今日小小編就「睇定」啲頭等機票,嘩,發現有爆平飛,唔駛中8千萬都買得起,仲要係Skytrax 2016全球最佳嘅阿聯酋航空:歐洲經杜拜來回香港,只需HK$29,400(連稅HK$35,621)起,呢口價限奧斯陸/倫敦出發。以往頭等機票天價十萬蚊走唔甩,依家3萬幾就坐到,實在不得了,呢張飛經杜拜轉機,但建議大家可以揀經曼谷+杜拜轉機嘅航班,即係歐洲-(1)-杜拜-(2)-曼谷-(3)-香港-(4)-曼谷-(5)-杜拜-(6)-歐洲,拉長嚟坐,合共歎足6程頭等,都係HK$35,637起,咁玩先係最抵!

嘩!倒頭超平歎足6程頭等!Skytrax全球最佳阿聯酋航空:頭等艙歐洲來回香港$29,400起,2017年7月前出發

不過留意返呢套飛由歐洲出發,即係倒頭機票,適合歐洲粉絲之外,香港粉絲想用都得,呢套頭等飛有一年有效期,各位粉絲可用里數換一套香港來回歐洲嘅機票包抄返呢套飛,變相拆成2套歐洲機票。冇里數響手?就留意其他航空公司有冇一啲停留期較長嘅平飛包住呢套飛,同樣可以Plan足兩次歐洲之旅。而且呢套飛Class Code係A,儲落日航里數計劃都有150%里數,夠換到日航香港來回日本經濟客位機票。

阿聯酋航空頭等艙擁有私人套房,私隱度高。飛機餐有尊貴美食,A380客機仲有得試一試空中水療淋浴。而旅客亦可享用機場至指定目的地專車接送服務,絕對係尊貴至極嘅體驗,依家頭等艙愈嚟愈少見(好多航空公司都cut緊),人一世物一世,又點可以唔試?無論帶同家人一齊去,或者想俾個驚喜另一半都適合!出發日子由即日起至出年7月都有,有興趣就到Expedia香港出票。

提提大家:大家記得撳一撳”顯示航班詳情”,睇清楚係咪全部都係頭等艙,因為有機會會出到商務+頭等mixed class機票㗎。

【出發日期】即日起至2017年7月
【機票有效期】12個月
【最後訂票日期】售完即止

【訂購網址】www.expedia.com.hk
【預訂教學】http://flyagain.la/31983

(覺得抵可用Whatsapp同LINE Share俾朋友架)

嘩!倒頭超平歎足6程頭等!Skytrax全球最佳阿聯酋航空:頭等艙歐洲來回香港$29,400起,2017年7月前出發

- Booking.com訂房:泰國 | 日本 | 台灣 | 韓國

- AGODA訂房:泰國 | 日本 | 台灣 | 韓國

*由於優惠產品供應有限,最終格價或因反應熱烈而有所調整,敬請留意。