嘩嘩嘩！港航啲商務艙真係平到一個點呀！復活節飛首爾都係3千4咋，重點係商務艙呀！屈機到爆！

小小編今個月曾經報過香港航空台北出發嘅倒頭商務「台港日港台」組合（詳情：https://flyagain.la/48897），依家仲有個「台港韓港台」仲平呀！

由台北出發經香港來回首爾商務艙只需TWD10,444（約HK$2,662）起，連稅TWD13,502（約HK$3,442）起。合共有4程商務機票（台北-香港、香港-首爾、首爾-香港、香港-台北），都只係3千4蚊，平到喊，記住係商！務！艙！呀！

仲要香港至首爾呢段可以復活節出發！舉例4月13日台北經香港飛首爾，4月20日由首爾飛香港，再中停一段時間5月13日香港飛台北，都係TWD13,974（約HK$3,562）咋。

呢套飛有效期係1個月，可以停留香港1次，叫做1個月玩1次韓國+2次台北，真係爽到飛起。有興趣可到台灣Expedia，用多個目的地搜尋同訂票。（記住揀返”商務艙”先去Search，偏好的航空公司揀”香港航空”）

提提大家：第一段台北-香港係一定要飛㗎，否則之後嘅機票都會被取消。大家需要另買一套香港來回台北嘅機票包住呢套飛（例如長榮航空，勝在有1個月停留期），咁就可以玩足2次台北+1次首爾啦。

【出發日期】即日起至6月30日
【機票有效期】1個月
【最後訂票日期】售完即止

【訂購網址】www.expedia.com.tw（記住係台灣Expedia）

（覺得抵可Whatsapp同LINE Share俾朋友）

平到難以置信！商務勁低價！港航台北來回香港+香港來回首爾$2,662起，復活節都有！6月30日前出發