請即Like 又飛啦!Facebook Page

九州可以話係繼東京大阪之後,愈嚟愈多人鍾意去嘅地方,九州有多條鐵道線貫穿東西南北,坐JR自由行勁方便!仲可以坐到唔同特色觀光列車,好似人氣超高嘅「由布院之森」、「阿蘇男孩號」等,鍾情鐵道遊嘅朋友更加不容錯過!今次就等小編介紹吓熊本、別府、北九州三大地方嘅特色景點啦!

【熊本】
嚟到熊本,其中一個人氣景點,就係「水前寺成趣園」,喺300多年前已經建成,以桃山式池泉迴遊庭園設計,又透過特別手法呈現日本多處名勝嘅意象,建築古色古香,非常優美。仲可以喺庭園內嘅日式茶屋,享用抹茶同和菓子,放鬆身心。

温泉+砂浴+摘水果+夜景!熊本、別府、北九州景點推介!精選溫泉旅館 + JR Pass優惠!

熊本除咗熊本熊,呢度出產嘅水果都相當出名!熊本吉次園就係超有名嘅農園,全年不同季所都可摘當造水果,包括提子、蘋果、蜜柑、梨等等。旁邊仲有間Cafe,可以食新鮮水果芭菲。

住宿推介:熊本植木温泉「今宵の湯宿 悠然」
洋室連私人露天温泉+早晚餐
HK$1,430起/每人每晚

【別府】
別府最著名嘅景點就係別府地獄,由多個唔同嘅溫泉組成,各有特色,例如藍色泉水嘅「水地獄」、紅色泉水嘅「血之池地獄」等,仲可以浸足湯、手湯等。嚟到別府可以試吓呢度獨有嘅「地獄蒸」料理,特別用上溫泉嘅高溫蒸氣將海鮮同蔬菜等食材蒸熟,鮮味十足,清蒸嘅蔬菜亦寧舍清甜添~

温泉+砂浴+摘水果+夜景!熊本、別府、北九州景點推介!精選溫泉旅館 + JR Pass優惠!

別府除咗溫泉出名,「海濱砂湯」都相當聞名,將身體埋喺暖暖嘅砂堆裡面,大約「浸」10分鐘左右,可以令肩頸等部位筋骨放鬆,身體亦都會變得和暖。

温泉+砂浴+摘水果+夜景!熊本、別府、北九州景點推介!精選溫泉旅館 + JR Pass優惠!

鍾意影相、著和服、又鍾意花?推介大家去HANANINGEN BEPPU(別府花人間),您可以換上和服,戴上鮮花製作嘅漂亮頭飾,由專業嘅攝影師幫您拍攝日系寫真!

住宿推介:別府-地獄温泉「ホテルうみね」
私人半露天温泉房間+早晚餐
HK$1,680起/每人每晚

【北九州】
嚟到北九州,一定要去日本新三大夜景:皿倉山!可以安排日間大半日遊覽門司港,傍晚起程前往皿倉山。只需搭 JR至八幡站,轉乘免費接駁巴士往皿倉山纜車站,轉搭纜車往展望台。皿倉山夜景有「價值100億美元夜景」之稱,對夜景情有獨鍾嘅朋友,又點可以錯過?

除咗夜景之外,三日月屋嘅牛角包都係唔可以錯過!喺博多站有分店,人氣超高,佢哋生產嘅牛角包仲有多種口味,包括:原味、楓糖、朱古力、芝士、紅豆、蘋果等,店內最具人氣嘅就係原味同楓糖口味,一定要試呀!

【JR北九州鐵路周遊券】
介紹完三個地區,想玩盡北九州?當然必備「JR北九州鐵路周遊券」啦!呢張JR Pass覆蓋多個主要場所,包括:門司港、小倉、博多,由布院、別府、長崎、大分、熊本等,可以乘搭適用區間內嘅特快列車指定席或自由席、普通列車,博多來往熊本仲可以坐新幹線!來往博多至熊本最快只需38分鐘,坐一次新幹線來回車費已經9,220円,而張Pass 3日券價錢只係8,500円,所以用北九州JR Pass係慳到勁多!
H.I.S.訂購
JR北九州鐵路3天周遊券價格:$608
JR北九州鐵路5天周遊券價格:$715
經H.I.S.香港訂仲有樣好,可享免費工商區速遞送貨或於順豐站/順豐服務點取件,超方便。如親臨尖沙咀門市購買,更可於付款後約20分鐘領取。

想知更多九州旅遊資訊?可以睇以下影片跟住日籍藝人和泉素行Soko玩盡北九州、熊本同大分!
北九州篇:www.facebook.com/arigatou.hk/videos/1932039746824317/
熊本篇:www.facebook.com/arigatou.hk/videos/1885605874801038/
大分篇:www.facebook.com/arigatou.hk/videos/1909038952457730/

温泉+砂浴+摘水果+夜景!熊本、別府、北九州景點推介!精選溫泉旅館 + JR Pass優惠!

- Booking.com訂房:泰國 | 日本 | 台灣 | 韓國

- AGODA訂房:泰國 | 日本 | 台灣 | 韓國

*由於優惠產品供應有限,最終格價或因反應熱烈而有所調整,敬請留意。