揀Staycation，每個人都有唔同要求，今次香格里拉酒店集團旗下三間酒店同時推出快閃優惠，就照顧到哂咁多個人啦！睇下你啱邊個？
懶人之選－港島香格里拉大酒店
放得假，就好想放低個腦，hea住過！咁港香呢個包餐plan就啱哂你啦！出名夠豪的港香，只係HK$1,700（連加一HK$1,870）起就包：
– 入住豪華山景客房一晚
– 可入住長達30小時（只適用於一至四，五至日及公眾假期為24小時）
– 雙人每日自助早餐
– 雙人外賣下午茶（3月至4月參考餐單）
快閃優惠仲適用於復活節大旺季，啱唒一家大細或者親朋好友一齊去度假打卡同享受美食！兩餐唔夠食？可以加碼包cafe TOO客房餐飲國際佳餚饗宴（參考餐單），每晚HK$2,200（連加一HK$2,420）起！包哂咁多餐咁就可以hea到世界盡頭啦！正呀！
【預訂日期】即日起至3月17日
【入住日期】3月12日至5月31日
【預訂網址】https://flyagain.la/vfib（包兩餐）；https://flyagain.la/7fq1（包三餐）
計劃通之選－九龍香格里拉大酒店
但就唔係個個都咁懶既！洗得錢就梗係要掌握喺自己手上！過一過對面海的九龍香格里拉大酒店，就破天荒推出「零」房價優惠，最平只係HK$1,600（連加一HK$1,760）起一晚，就有返HK$1,600酒店消費額回贈啦！（不包括額外人數入住附加費及加一服務費，不適用於Wing Tang理髮店、酒店房價及零售產品）！
最簡單就梗係用嚟食啦！有多間餐廳選擇，當中Angelini意大利餐廳口碑不俗，另外有香宮中菜廳及Café Kool自助餐選擇！但小編就會揀灘萬日本餐廳啦！喺香港設有日本餐廳的酒店唔多，九香就係其中之一，仲要質素高！餐廳提供Omakase，午市迷你懐石料理餐HK$520+10%一位，晚市HK$1,600+10%一位，價錢唔算好平，但拎credit去食就抵啦！
如果credit唔夠，可以揀住更高級的房型，如Horizon Club Harbour View Room平日入住HK$2,600+10%起，補貼你更多之餘，仲包埋你入lounge任飲任食，咁你credit就可以all in一餐，食豪佢啦！想睇酒店餐廳的更多資訊，可以參考呢度。
【預訂日期】即日起至3月17日
【入住日期】即日起至4月30日
【預訂網址】https://flyagain.la/0mab
簡單就是美之選－JEN酒店
如果你嘅訴求好簡單，只係想要間房，都一樣得！位於西環的JEN酒店，淨房只係HK$500（連加一HK$550）起一晚，超抵住！就算你想包埋早餐，都只係HK$800（連加一HK$880）起一晚咋！JEN酒店同港香九香唔同，行簡約設計風，窗台仲有位俾你坐睇下風景，好有家的親切感！
JEN酒店位於西環，周邊就有唔少小店、文青cafe咁，大家住嗰時可以去探索一下！唔想出去搵食，都可以去酒店入面，有「全港最好食馬拉菜」之稱，連馬拉人都讚好嘅嘅Cafe Malacca食嘢，尋找去東南亞旅行嘅感覺！
【預訂日期】即日起至3月21日（延長ed！）
【入住日期】即日起至5月31日
【預訂網址】https://flyagain.la/xqcg（淨房）；https://flyagain.la/5etn（包早餐）
以上三個優惠，已經滿足哂幾乎所有人想要嘅Staycation package啦！每次香格里拉酒店嘅promotion都好搶手，大家睇啱就好去book啦！
（覺得抵可Whatsapp同LINE Share俾朋友）
【酒店】三間酒店，三個優惠，滿足你三個願望！港島香格里拉包三餐每晚$1,700起；九龍香格里拉零房價每晚$1,600起；JEN酒店淨房每晚$500起！
條款及細則：
– 預訂時須使用信用卡預付入住期間的全額房費
– 如取消預訂將不作任何退款
– 優惠不能與其他推廣優惠同時使用
– 客房僅供入住客人作住宿用途（除非特定住宿計劃）
– 如有發現客房被用作其他用途例如婚宴派對或任何其他活動，酒店將保留取消該訂房的權利
– 如有如何爭議，酒店方保有最終決定權
留言