買咗歐洲Openjaw機票？或者想玩多個歐洲城市？西班牙廉航Vueling（伏林航空）有歐洲內陸機優惠啦，優惠最遠可以出年6月出發，最平單程連稅€14.99，折合約HK$137起。嘩！舊幾水就可搭飛機往來歐洲主要城市啦，歐洲航點包括：巴塞隆拿、倫敦、曼徹斯特、巴黎、伯明翰、米蘭、里斯本、阿姆斯特丹等，如早前計劃飛歐洲，想玩多點或者要接駁Open Jaw（不同城市往返）機票，可以Check下您個期有冇平呀。

部分特價航線（單程連稅）：
巴塞隆拿-畢爾包 €14.99
巴塞隆拿-馬拉加 €14.99
巴塞隆拿-西維爾 €14.99
巴塞隆拿-日內瓦 €19.99
巴塞隆拿-波爾多€19.99
里斯本-巴黎 €19.99
里斯本-巴塞隆拿 €24.99
漢堡-巴塞隆拿 €24.99
巴塞隆拿-倫敦 €24.99
巴塞隆拿-曼徹斯特 €24.99
巴塞隆拿-巴黎 €24.99
米蘭-阿姆斯特丹 €24.99
米蘭-巴黎 €24.99
阿姆斯特丹-倫敦 €24.99
阿姆斯特丹-馬拉加 €24.99
威尼斯-巴黎 €25.99
阿姆斯特丹-里斯本 €29.99
倫敦-阿姆斯特丹 €29.99
倫敦-巴黎 €32.99
巴黎-倫敦 €32.99
馬德里-巴黎 €34.99

只列部分，其餘航線可到官網搵搵有冇平價機票。以上各價不包飛機餐及行李寄艙（如需行李寄艙，可選Optima票價，包選位及1件23kg行李寄艙配額）。

【出發日期】12月11日至2018年6月20日
【機票有效期】不限
【最後訂票日期】11月28日香港時間7am或訂完即止
【訂購網址】www.vueling.com

【相關文章】沒有搭過Vueling航空？可以參考我們的乘搭報告：http://flyagain.la/vuel

（覺得抵可Whatsapp同LINE Share俾朋友）

勁平！舊幾水搭歐洲內陸機！Vueling歐洲城市互飛單程連稅€14.99/約$137起，出年6月20日前出發

正呀！等緊暑假歐洲平機票要留意啦！漢莎+奧航+瑞航推出咗暑假優惠，價錢好抵，真係要盡早入手啦！連稅最平唔駛4千蚊，暑假嚟講價錢勁抵！今次玩法有啲特別，Openjaw（不同城市往返）會比同一城市來回平好多，例子包括：

香港->倫敦 // 蘇黎世->香港，連稅HK$3,982起
香港->倫敦 // 斯德哥爾摩->香港，連稅HK$4,317起
香港->倫敦 // 哥本哈根->香港，連稅HK$4,322起
香港->倫敦 // 米蘭->香港，連稅HK$4,377起
香港->倫敦 // 阿姆斯特丹->香港，連稅HK$4,400起
香港->倫敦 // 布拉格->香港，連稅HK$4,444起

去程唔一定飛倫敦，不過以去程飛倫敦係最易搵到平價，以暑假旺季出發如果有大約連稅5千樓下嘅組合都算抵！記住如果Openjaw要用「多個目的地」功能Search。

而且漢莎系3間航空公司可以互相Mix，去回程揀唔同航空公司都得！如果坐瑞士航空係經蘇黎世轉機，坐漢莎就經德國轉，或者坐奧地利航空就經維也納轉，一次過試晒兩間唔同體驗！

【出發日期】11月29日至2018年8月31日（旺季除外）
【機票有效期】1個月
【最後訂票日期】12月14日或售完即止

【訂購網址】www.expedia.com.hk
【預訂教學】https://flyagain.la/31983
【Class Code】K Class

（覺得抵可Whatsapp同LINE Share俾朋友）

抵！暑假飛歐洲有平啦！連稅唔駛4千！漢莎/奧航/瑞航香港來回歐洲各地$2,680起！出年8月31日前出發

【新加坡航空x澳洲旅遊局】嘩！飛澳洲連稅3千幾咋，仲係出名質素勁高嘅新加坡航空，再送KKday澳洲數據電話卡+新加坡樟宜機場現金券，超吸引！新加坡航空推出澳洲震撼劈價，來回機票HK$2,850起，連稅計：珀斯HK$3,781起、墨爾本HK$3,810起、阿德萊德HK$3,824起、黃金海岸HK$3,842起（酷航）、 達爾文HK$3,856起（勝安航空）、開恩茲HK$3,874起（勝安航空）、悉尼HK$3,897起、布里斯本HK$3,911起、坎培拉HK$4,159起。飛塔斯曼尼亞亦只係HK$3,250（連稅HK$4,277）起，塔斯曼尼亞有好多自然靚景，每年6月至9月仲有機會去睇夢幻南極光，而且坐新航可以中途停留墨爾本或悉尼，轉飛內陸機去荷伯特/朗塞斯頓，一個Trip滿足您兩個願望！

今次優惠出發日子包括2018年2月26日至9月30日，連暑假都包，家長可以帶小朋友去澳洲玩！兼送KKday澳洲7日1GB數據電話卡+新幣$20樟宜機場消費現金券（約值港幣$110），可以勁買斑蘭蛋糕、肉乾、魚皮等地道手信，或者去餐廳食飯都用得！11月30日前經官網/APP訂購新航塔斯曼尼亞機票，額外加送薰衣草熊仔同塔斯曼尼亞食買玩旅遊天書！優惠咁抵，即Click上官網訂飛！

【出發日期】2018年2月26日至3月29日、4月3日至9月30日
【機票有效期】1個月
【最後訂票日期】2018年1月18日或售完即止

【訂購網址】singaporeair.com/au18c

（覺得抵可Whatsapp同LINE Share俾朋友）

震撼價！送數據電話卡+樟宜機場現金券！新加坡航空來回澳洲$2,850起！暑假照平！2018年9月30日前出發

呢個歐洲盤又正又抵！連稅3千6飛維也納、4千2飛倫敦，價錢勁吸引！中華航空推出新一輪歐洲優惠：香港經台北來回維也納或倫敦HK$3,013起，連稅計：維也納HK$3,673起、倫敦HK$4,260起，兩個航點價錢都幾抵！台北來往歐洲可坐A350新客機。呢張飛仲可以中停台北，飛歐洲兼可以玩埋台灣，真係無得輸呀！

Check過系統，平飛集中出年4-6月，官網較貴，去Hutchgo訂會平啲。建議可以喺官網搵咗有平日子先，再去Hutchgo訂飛。

想訂中停台灣？方法好簡單！可以跟住以下步驟：
1. 首先就咁搵咗香港至歐洲有平日子先，例如2018年5月7日去、14日返，來回維也納HK$3,673起。
2. 抄底呢個日子，出番主頁揀「多個目的地」
3. 輸入航班，舉例：a.2018年5月7日香港-維也納 b.5月14日維也納-台北，5月17日台北-香港，來回連稅HK$3,978起。除咗台北，亦可揀台中/高雄/台南返香港。

【出發日期】12月27日至2018年6月28日（旺季除外）
【機票有效期】1個月
【最後訂票日期】12月31日或售完即止

【訂購網址】www.hutchgo.com.hk
【預訂教學】https://flyagain.la/33982

（覺得抵可Whatsapp同LINE Share俾朋友）

一雞兩味！華航歐洲平飛！香港來回維也納/倫敦$3,013起，可中停台北！出年6月30日前出發

嘩！正呀！台灣超抵Package出現了！3日2夜套票只需HK$1,780起！入住溫泉酒店，再送悠遊卡添！永安旅遊推出溫泉超值套票！如果12月13日或之前出發，用埋推廣碼每位可再減$200，折後每位HK$1,580（連稅HK$1,965）起，嘩！連稅唔駛2千？超抵啦！呢口價以入住宜蘭礁溪「捷絲旅」為例，酒店擁有露天風呂、日式裸湯區等，好似去咗日本浸溫泉咁呀！記住仲有悠遊卡送！除咗礁溪，仲有其他溫泉地區選擇，包括北投、新北三峽、台中、墾丁等。

3日2夜只屬舉例，可以Stay耐啲，最長可Stay 31日，而且唔駛同一間酒店住晒咁多日，可以彈性配搭，例如兩日住宜蘭礁溪、另外兩日住台北市區都得！提提大家：減$200優惠適用於指定「台灣溫泉」自由行套票，並於11月13日至12月13日期間出發，每位即可減$200；中華航空推廣碼「GP921」、香港航空推廣碼「GP818」、長榮航空推廣碼「GP652」。

永安官網有個好方便嘅功能，可以用月曆形式睇晒成個月嘅最低價錢，超方便，見到未連稅HK$1,780就係最低價，付款前入推廣碼就可每位減$200，2人同行足足減$400咁多！快啲Plan吓你嘅台灣溫泉之旅啦。

【出發日期】即日起至12月30日
【訂講網址】package.wingontravel.com

（覺得抵可Whatsapp同LINE Share俾朋友）

嘩！送悠遊卡+歎溫泉！台灣超超超抵套票：機票+2晚酒店$1,580起！12月30日前出發

尋晚介紹過國泰出咗澳洲返港嘅平飛！跟住到維珍澳洲航空出個超平盤同您鬥搶客！嘩！快啲召集澳洲朋友返港啦！坐維珍澳洲航空由墨爾本直航來回香港，連稅AUD502（約HK$2,987）起！直航來回唔駛3千蚊？好平呀！連農曆新年出發都有，例如出年2月14,15,16日出發、2月27日回程。真係夾您返嚟過年+逗利是啦！維珍澳洲航空包2件23kg行李，可以買多啲手信俾香港朋友啦！見到去程標示AUD255、回程標示AUD247就係最低價。

維珍澳洲航空只有墨爾本返港係直航，其餘城市出發就要轉機，例如布里斯本出發AUD528（約HK$3,142）起、阿德萊德出發AUD538（約HK$3,201）起、悉尼出發AUD548（約HK$3,261）起，因為要轉機，所以不妨睇埋國泰嘅直航優惠啦，詳情：https://flyagain.la/59462。

【出發日期】2018年1月8日至10月31日
【機票有效期】12個月
【最後訂票日期】11月25日或售完即止

【訂購網址】www.virginaustralia.com
【Class Code】T Class

（覺得抵可Whatsapp同LINE Share俾朋友）

維珍澳洲反擊！暴劈夾您返港！連稅3千有找！墨爾本來回香港，連稅$2,987(AUD502)起！11月16日前出發

差日本返港單程飛嘅朋友留意喇，樂桃日本站今晚（11月23日）香港時間11pm起會推出日本出發優惠！大阪飛香港單程只需2,990円（約HK$210）起，連稅及手續費後約HK$356起，價錢唔錯！今次出發日子係12月2日至12月22日，出年1月6日至3月25日出發就要單程3,690円，連稅及手續費後約HK$405起。淨買回程嘅要去日本站或國際站先有優惠呀～

此價不包行李寄艙及飛機餐，寄艙行李每程每件20kg以下2,800yen，約HK$195。

提提您：買樂桃機票，填寫人名時必須：1. 全大階 及 2. 字冇空格，例如您叫Chan Tai Man Peter，姓就要打CHAN，名就要打TAIMANPETER，否則就訂不了！

【出發日期】12月2日至12月22日、2018年1月6日至2月16日、2月21日至3月25日
【機票有效期】不限
【訂票日期】香港時間11月23日23:00至11月26日22:59

【訂購網址】www.flypeach.com
【訂票教學】http://flyagain.la/34347

（覺得抵可Whatsapp同LINE Share俾朋友）

抵呀！樂桃日本回程優惠！今晚11點開賣！大阪返港單程約$210起，2018年3月25日前出發

嘩！勁平喎！日航飛東京，連3晚住宿包稅都係3千咋！日航有成46kg行李，想坐日航去日本瘋狂Shopping嘅粉絲留意啦！日航依家做緊東京優惠，來回機票HK$2,346起（詳情：https://flyagain.la/58530），既然要訂酒店，不如一次過經ZUJI訂機票+酒店！小編搵過東京4天套票價，連稅只係HK$3,040起（以2人同行於出年3月6日出發、9日回程，入住東京凱斯之家飯店為例）！即係話最平加HK$258就包3晚住宿，除番開，加HK$87就有晚住啦喂！仲係東京呀喂！抵過拆開訂！

以上價錢係揀最平住宿為例，ZUJI上面仲有好多其他酒店選擇，小編仲揀咗2間性價比高嘅酒店俾大家參考：

東京池袋方舟飯店 – 露櫻飯店：4日3夜連稅每位HK$3,657起，酒店位於池袋，鄰近JR池袋東口，交通便利。池袋又係著名旺區，有好多商店可以行，池袋仲出名多拉麵店，有好多仲開到好夜添；

上野飯店：4日3夜連稅每位HK$3,791起，酒店位置超好，鄰近上野站，乘搭新幹線、JR、京成Skyliner、地下鐵等都非常方便，上野仲有唔少Shopping嘅地方，去阿美橫丁都算近；

4日3夜只係舉例，日子可長可短，最長可Stay 8日7夜，經ZUJI買套票有樣好，可以免費Stay Behind，即係同一間酒店唔駛住晒咁多日：只要喺Search Engine度揀選「我只需要在部分旅程中入住酒店」，再揀埋需要住房嘅日子就掂，其他日子您住邊都得，勁有彈性。大家可以先就咁search機票，搵到有淨機票HK$2,346嘅日子，再用同一日子用「機票+酒店」去search。

【出發日期】即日起至2018年7月12日（旺季除外）
【最後訂購日期】11月30日或售完即止

【訂購網址】www.zuji.com.hk

（覺得抵可Whatsapp同LINE Share俾朋友）

抵！日航激安套票！46kg超大行李！東京4日3夜套票連稅$3,040起！出年7月12日前出發