國泰最新一輪大專生優惠出爐啦！以前訂過大專生優惠嘅學生，憑邀請電郵嘅「專屬優惠編號」依家就可優先撲飛！優惠同以往一樣適用於讀緊本港指定高等教育學院之全日制學位或副學位課程學生，不過今次連考DSE嘅同學仔都一樣參加得，考完就可以立即又飛啦！
同以往一樣，優惠航點包括日韓台東南亞同歐洲等地方，來回台灣HK$860起、東南亞HK$1,290起、韓國HK$1,400起、日本HK$1,900 起、歐洲HK$3,000 起！我哋亦都一如以往，同大家分析下呢次優惠先。
台灣航點：台北/台中/高雄HK$860（連稅HK$1,249）起
短評：以國泰嘅價錢嚟講算係入手範圍，鍾意國泰嘅同學仔可以考慮。比多個選擇大家，港航仲有個全年平盤（詳情：https://flyagain.la/63831），連稅仲要平多百幾蚊，不過就得20kg行李，國泰就有成30kg行李，想掃多啲貨嘅話，國泰都值得入手。
韓國航點：首爾/濟州/釜山HK$1,400（連稅HK$1,861）起
短評：韓國線嘅優惠真係一般般，因為飛韓國真係爆多平盤選擇，要廉航有廉航，要傳統航空有傳統航空，依口價唔算太和味，單以價錢嚟講，五星航空韓亞做優惠（詳情：https://flyagain.la/63640）仲再平啲；再者ZUJI套票仲抵玩啲添，加多3百幾蚊包埋3晚住宿，詳情參考下 https://flyagain.la/63199。不過國泰勝在有靚時間，可以早去晚返，玩哂咁多日。
日本航點：來回機票HK$1,900起，連稅：福岡HK$2,227起、沖繩HK$2,229起、大阪HK$2,379起、東京HK$2,548起
短評：嘩！日本線好有驚喜呀！各個航點連稅2千2至2千5，比平日特價飛再平4-5百蚊呀！例如國泰大阪線票價平時絕少劈低過2千，而東京線都係$2,100起，真心無得輸！呢口價包30kg行李之餘，大專生優惠機票仲有21日嘅有效期，比平時7日有效期嘅飛多咗足足14日，今次連ANA都唔夠砌啦（詳情：https://flyagain.la/63603）！至於飛福岡同沖繩想平啲可以睇睇快運比比價！
歐洲航點：來回機票HK$3,000起，連稅：哥本哈根HK$3,540起、布魯塞爾HK$3,611起、米蘭HK$4,099起、巴黎HK$4,343起
短評：飛歐洲都好吸引呀！特別係新航點哥本哈根同布魯塞爾，連稅都只係3千5起咋！依口價係直飛喎，直迫轉機價有得坐高質國泰真係冇得輸啦！以直航嚟講，其他航點都相當唔錯㗎！不過倫敦同曼徹斯特嘅價就麻麻地啦，連稅都要5千幾，維珍做優惠平到4千7有找（https://flyagain.la/62977）。
東南亞航點 HK$1,290起，連稅：曼谷 HK$1,748起、新加坡HK$1,749起、布吉HK$1,958起
短評：國泰飛曼谷平時做優惠都係千4左右，今次再減多2百蚊都算抵玩！之但係好似飛曼谷咁，勁多航空公司揀，想坐靚機可以睇下中東三寶阿聯酋有冇做優惠，或者泰航嘅超長期平盤（詳情：https://flyagain.la/63650），連稅再平多2百蚊，一樣有30kg行李俾你瘋狂Shopping。
以上資料都係優先預覽，而且只列出部份航點，只供參考之用，現時只供有「專屬優惠編號」嘅同學仔買，明天正式開賣。
*優惠票價適用於本港指定高等教育學院之全日制學位、全日制副學位的學生及2018年度香港中學文憑考試嘅應屆考生，並於機場預辦登機櫃位出示有效之學生證或准考證，而該學生證有效期之年份須為2018年或以後，而香港中學文憑考試准考證之發出年份必須為2018年。
【出發日期】4月16日至4月26日、4月30日至5月17日、5月21日至6月14日、6月17日至6月28日、7月1日至7月5日、8月28日至9月25日
【歐洲線出發日期】4月19日至6月14日
【機票有效期】21日
【訂票日期】即日起至6月30日
【優先訂購網址】www.cathaypacific-campaign.com（適用已收到邀請電郵之學生）
【公開訂購網址】www.cathaypacific-campaign.com（4月11日12nn起開售）
（覺得抵可Whatsapp同LINE Share俾朋友）
【大專優惠】國泰港龍大專生優惠！幫您分析抵唔抵！台灣$860起、韓國$1,400起、日本$1,900起、歐洲$3,000起
