又係HK Express嘅出走星期五優惠喇！只限今日（2月17日），香港單程飛台灣花蓮HK$97（來回連稅HK$579）起，有東亞卡嘅朋友可以用埋8折Code「HKEBEA20」，來回連稅更只需HK$541起，抵抵抵！出發日子去到7月，不過平飛唔係日日有，但可以用月曆功能快手搵到平飛，日子啱就衝啦！以上價格包7kg手提行李，不包行李寄艙費用及飛機餐。

【出發日期】2月20日至7月13日（旺季除外）
【訂票日期】2月17日

【寄艙行李費用】全部航點劃一收費20kg $229、25kg $360、30kg $365

【訂購網址】：booking.hkexpress.com
【預訂教學】：http://flyagain.la/33992
【必睇！香港快運訂票10大Q&A】：http://flyagain.la/9895

（覺得抵可Whatsapp同LINE Share俾朋友）

抵喎！HK Express單程飛台灣花蓮$78起，7月13日前出發，只限今天

去日本，買JR pass真係勁方便！唔單止慳到好多錢（有時分分鐘坐轉新幹線都回到本），仲要慳到時間，Show個pass就入得閘！今次介紹呢張JR關西廣域火車証，覆蓋大阪、京都、神戶、奈良、和歌山、岡山、高松、關西機場等範圍，基本上旅客必買！當中新大阪<->岡山呢個區間可坐山陽新幹線，以及可坐關西機場<->新大阪或京都嘅Haruka，呢度都已經激慳唔少，加上覆蓋範圍廣闊，如果係買咗岡山入、大阪走，或者大阪入、高松走嘅機票，都絕對啱駛。依家H.I.S.香港仲有個JR pass優惠，5天關西火車證（成人）HK$606、（小童）HK$303，再送京都鐵道博物館門券（原價成人1,200円），小童都有得送！門券有效期至9月30日，送完即止。

經H.I.S.香港訂仲有樣好，可享免費工商區速遞送貨或於順豐站/順豐服務點取件，超方便。如親臨尖沙咀門市購買，更可於付款後約20分鐘即可領取。優惠期有限，訂購日期由2月17至2月28日。

提提大家：Hisgo HK於2 月17至19日於屯門市廣場tmtplaza 參與旅遊展（H.I.S. 香港支店25號攤位），除咗可以網上訂購外（www.his.com.hk），仲可以屆時由專人協助訂購，都一樣有呢個價錢同優惠㗎～

（覺得抵可用Whatsapp同LINE Share俾朋友架）

抵呀！日本JR pass優惠！5天關西廣域火車証$606，新幹線、Haruka等都包！再送京都鐵道博物館門券！免費送貨

北海道唔係只得睇雪、睇雪同睇雪！北海道冬季有好多特色活動！喺結冰嘅網走湖上挖洞釣冰魚，再即場現烤或製成天婦羅，都係一個極難得嘅體驗呢，講緊嘅就係網走釣公魚！今次教大家一個玩齊北海道三地嘅超值玩法：由札幌新千歲機場出發，乘搭ANA全日空內陸機前往釧路，於釧路亦可參與阿寒湖冰上嘉年華及歎阿寒湖溫泉！再Openjaw由網走返札幌，包1晚酒店及所有稅項，每位全包價只需HK$1,354起，比分開訂真係慳唔少，坐飛機既舒適又快捷。2月21日或之前訂購，每位顧客即回贈3,670円/約HK$250（相等於釧路往網走單程JR車費），又可以不走回頭路，深度遊北海道！

北海道必試：網走釣公魚！札幌出發，搭ANA來回釧路+網走+1晚酒店連稅$1,568起！每位激賞回贈$250！

北海道網走釣公魚活動：
會場：網走湖上
期間：12月下旬-3月中旬（8：30-16：00）
交通：從網走站乘坐“美幌線”、“女滿別機場線”，在巴士站“網走湖荘前”下車，車程約10分鐘。

相片提供：網走市觀光協會

【出發日期】即日起至3月31日  *網走釣公魚至3月中旬
【最後訂購日期】2月21日
【訂購網址】www.hisgo.com.hk

提提大家：Hisgo HK於2 月17至19日於屯門市廣場tmtplaza 參與旅遊展（H.I.S. 香港支店25號攤位），除咗可以網上訂購外（www.hisgo.com.hk），仲可以屆時由專人協助訂購。

註：留意要選擇釧路（女滿別）落機，上機由網走回程，或者相反，落機揀網走，上機由釧路（女滿別）機場，方可使用此優惠。

訂購方法如下：

Step 1：前往hisgo HK頁面（www.hisgo.com.hk），揀選”Japan Hotel & Air Package”及選擇地點，去程及回程日期，住宿區域。去程選擇由札幌新千歲機場前往釧路，回程則由網走女滿別返札幌，大家可揀返相應地區嘅住宿，如：Kushiro（釧路）、Abashiri（網走）

Step 2：選擇去程及回程航班時間（留意價錢隨航班時間各有不同）。

Step 3：選擇酒店，所顯示的價錢已經包括內陸機票+酒店+所有稅款。

Step 4：輸入個人資料及選擇付款方式便完成。

（覺得抵可Whatsapp同LINE Share俾朋友）

香港馬拉松賽事完美落幕，想再跑？唔駛等一年咁耐！近來更興飛去外地跑馬拉松，愛好長跑嘅您，澳洲黃金海岸馬拉松更不容錯過！呢條賽道風景優美，又以平坦舒適而聞名，賽事於7月1-2日舉行，正值澳洲冬天，氣候怡人，算是最理想的天氣。有興趣跑向世界？EGL Tours東瀛遊推出澳洲馬拉松旅遊團及自由行俾大家！

【自由行5天3晚】包澳洲航空來回機票+3晚4星酒店連早餐+酒店來回機場及往馬拉松會場接送。每位HK$9,699起，使用Citi信用卡首20名報名只需$7,599起，激慳HK$2,100！

【旅行團6天】除了可參加馬拉松賽事外，更可於賽前自由參與由全城街馬專業教練陪同於海岸旁練習。另外亦包前往歡樂農莊親親袋鼠、樹熊、觀看剪羊毛等。更包華納兄弟電影世界 Movie World任玩套票，玩盡各項機動遊戲，可與卡通或電影人物拍照留念。團費每位HK$11,699起，使用Citi信用卡首20名報名只需$9,599起，同樣勁慳HK$2,100！

EGL Tours東瀛遊更會代辦報名馬拉松賽事，賽程包括：2公里親子賽、4公里、5.7公里挑戰賽、10公里路跑、半馬及全馬賽事。名額有限，報名從速。如欲查詢及報名，請致電熱線3692-0888、透過網上報名，或親至EGL Tours東瀛遊各分行查詢。

【訂購網址】www.egltours.com

（覺得抵可用Whatsapp同LINE Share俾朋友架）

跑呀！超靚賽道！澳洲黃金海岸馬拉松！EGL Tours東瀛遊5天自由行/6天團低至$7,599起！

星級新加坡航空推出全新「iLoveSQ」，以後逢星期四同五都會有官網機票優惠！第一炮主打新加坡、印尼峇里及泗水，來回只需HK$350起，連稅計：新加坡HK$998起、峇里HK$1,305起、泗水HK$1,311起！呢口價真係好吸引，尤其係飛新加坡連稅唔駛一千就可以坐星級新航真係無得輸，話哂包行李寄艙+飛機餐+機上娛樂+飛行哩數，飛新加坡嗰程仲可揀坐A380航班（去程SQ863、回程SQ860航班，視乎供應）！記得喺主頁先用優惠代碼「ILOVESQ」。未試過新航嘅星級服務質素嘅真係要試吓喇！即上官網訂飛啦！

【出發日期】
2月17日至3月30日（新加坡）
2月20日至3月23日（峇里、泗水）

【機票有效期】5-10日（視乎航點）
【訂票日期】2月16日及17日

【優惠代碼】ILOVESQ

【訂購網址】https://flyagain.la/abmm

（覺得抵可Whatsapp同LINE Share俾朋友）

大爆買！新加坡航空全新「iLoveSQ」 優惠，來回新加坡、峇厘、泗水連稅$998起，限賣兩日！3月30日前出發

嘩！發咗癲呀！曼谷套票激激激激激平價！3日2夜機票連酒店只需HK$726起！仲要唔係坐廉航，係肯亞航空，可以坐787夢幻客機，包埋合共46kg行李寄艙同飛機餐，仲有得住超正新酒店「X2 Vibe Bangkok Sukhumvit Hotel」，每位連稅後都係HK$1,216起咋，係已！連！稅！其他航空公司淨係機票都唔止呢口價啦，一睇就知勁平！呢間酒店喺今年3月先試業開幕，鄰近On Nut BTS站、購物中心及超級市場，更有任用Wi-Fi，套票唔一定3日2夜，日子可長可短，亦可加錢轉坐其他航空公司，鍾意試新嘢必要留意啦！
【訂購網址】https://flyagain.la/baa0
【旅遊日期】3月1日至10月30日（只限逢二、四出發）

數數手指，仲有個零月就到櫻花期，日本韓國嘅櫻花期酒店都愈來愈緊張啦，不過竟然仲有平房，未Book嘅就快啲計劃啦！東京上野御徒町多米溫泉酒店HK$585（連稅HK$673）起（https://flyagain.la/lh23）、東京上野公園光芒酒店每晚低至HK$434（連稅HK$512）起（https://flyagain.la/ht2z）。上野公園係東京超有名嘅賞櫻勝地，住呢區真係日又睇夜又睇都得啦。另外首爾東大門天空花園帝宮店每晚低至HK$494（連稅HK$544）起（https://flyagain.la/8cub），東大門都係首爾賞櫻勝地之一，呢個價抵住！最新推介~今個月開幕嘅九棵樹酒店明洞2號店HK$604（連稅HK$665）起（https://flyagain.la/pzlh），明洞係購物天堂，交通方便呀。

以上優惠，仲有得用埋永安旅遊新推出嘅手機APP訂購優惠，會員首次用APP預訂全線機票/套票/酒店滿 HK$1,500可減HK$100，咁就可以慳得更多啦。優惠至3月31日。

（覺得抵可用Whatsapp同LINE Share俾朋友架）

超激平！曼谷3天套票：機票連46kg行李+酒店只需$726起！另日韓賞櫻必選酒店低至$434！

荷航及法航推出一新輪歐洲優惠，連稅最平唔駛4千蚊！香港經阿姆斯特丹/巴黎來回歐洲HK$3,130起，連稅計：布拉格HK$3,723起、馬德里HK$3,761起、米蘭HK$3,787起、布達佩斯HK$3,830起、羅馬HK$3,808起、蘇黎世HK$3,808起、赫爾辛基HK$3,986起、都柏林HK$4,005起、華沙HK$4,008起、哥本哈根HK$4,090起、里斯本HK$4,012起、巴塞隆拿 HK$4,015起、倫敦HK$4,560起。優惠航點眾多，未能盡錄。

今次優惠非常吸引，大部份航點都三千幾四千左右，另外亦可Openjaw不同城市往返，舉例倫敦入、馬德里走，連稅HK$3,761起，大家可到Expedia香港用多個目的地功能搜尋。

【出發日期】即日起至6月24日、9月11日至12月15日
【機票有效期】1個月
【最後訂票日期】3月13日或售完即止

【訂購網址】www.expedia.com.hk
【預訂教學】http://flyagain.la/31983

（覺得抵可Whatsapp同LINE Share俾朋友）

超正！連稅最低唔駛4千！荷航+法航來回歐洲$3,130起，12月15日前出發

嘩，超正丫～大家熱愛嘅ANA全日空有新日本優惠，價錢幾抵，仲減到暑假頭都有！香港來回大阪或名古屋只需HK$2,300起，連稅計：名古屋HK$2,686起、大阪HK$2,719起，呢口價坐ANA真係平到震，質素超好唔在講，又唔駛二人同行，加上有2件23kg行李寄艙，瘋狂Shopping冇有怕！東京航點都有，不過就貴少少，來回票價HK$2,800起，連稅HK$3,186起，check過系統，平飛供應充足，價啱即到Expedia香港出票。

【出發日期】即日起至3月31日、4月3日至4月12日、4月17日至4月27日、5月2日、5月4日至7月6日
【機票有效期】7日
【最後訂票日期】3月15日或售完即止

【訂購網址】www.expedia.com.hk
【預訂教學】http://flyagain.la/31983

（覺得抵可Whatsapp同LINE Share俾朋友）

爆正！ANA必殺低價：香港來回大阪/名古屋/東京$2,300起，包2件23kg行李，7月6日前出發