新一集嘅「和歌山之旅：第二集」嚟啦：https://youtu.be/35b1VC23tfs。大家睇咗未呢？見到兩位主持人去到黑潮市場，體驗劏吞拿魚表現兼親手整壽司，到湯淺及紀州參與製作豉油同埋親自調配唔同味道嘅梅酒！您係咪都好想親身整一次呢！即刻Bookmark以下資料，嚟緊plan去和歌山嗰陣就啱用啦！（老規矩，未睇片就快啲去睇咗先啦！）

黑潮市場搶嚐鮮
嚟到日本自然要食壽司刺身，喺和歌山首選嚟遠近馳名嘅黑潮市場啦！黑潮市場位於和歌山遊艇城內，深受外國遊客歡迎。當中最正嘅係一日只得三場嘅劏吞拿魚表演，師傅會選用當日最新鮮最肥美嘅吞拿魚，詳細講解吞拿魚的每個部份，等您可以欣賞師傅嘅刀工之餘，亦可食其所味。此外，您亦都可以好似主持人咁，報名參加魚乾及壽司製作體驗，體驗班上會教您點樣製作正宗嘅日式魚乾，整完仲可以即刻試埋自己嘅「作品」添㗎！不過留意番體驗班係要預約㗎！想試嘅話記得打電話去預約喇！

【黑潮市場】
地址：和歌山縣和歌山市毛見1527和歌山遊艇城內
網址：https://www.marinacity.com/chi/ichiba/
營業時間：10:00-17:00
查詢：073-448-0008

湯淺醬油廠 金山寺味噌
一流嘅壽司又點可以無頂級嘅醬油呢！要食靚醬油當然要去一轉日本豉油嘅發源地湯淺啦！湯淺醬油絕對係縣內首屈一指嘅醬油廠，您可以品嚐到經歷百年嘅味道，仲可以親身參與並了解醬油製作嘅過程，令您對日本醬油有更深入嘅了解！除咗有體驗行程外，醬油廠亦設有紀念品及手信區，您可以喺度揀唔味道嘅豉油拎番香港做手信㗎（聽講豉油好似酒咁，唔同年份，味道都唔同喎）！

【湯淺醬油】
地址：和歌山県有田郡湯浅町湯浅1464
網址：http://www.yuasasyouyu.co.jp/
查詢或預約：0737-63-2267

親自「做梅」 紀州梅干館
和歌山盛產南高梅，所以梅子亦成為作和歌山必買嘅手信。當您嚟到紀州梅干館，除咗有現成嘅各式梅干售賣，您仲可以參加製作班，分別是梅干、梅酒及梅汁！當中最吸引嘅，自然係梅酒班啦！體驗班內提供嘅酒類包括日本酒、燒酒、白蘭地，等您可以親自調製喜歡的梅酒味道，鍾意梅酒嘅您又豈能錯過呢？留意番想參加以上嘅製作班都係要先行預約，去之前記得打電話呀！

【紀州梅干館】
地址：和歌山県日高郡みなべ町山内1339
營業時間：8:30-17:00
網址：http://www.umekan.com/
查詢或預約：0739-72-2151
價錢：JPY 2,000/ 人

去得和歌山，自然要入住佢哋溫泉旅館啦！問小編有乜好推介？不如睇睇呢兩間啦！

城中溫泉 湯淺城
遠看或會以為又是日本的百座名城，其實湯淺城是一座樓高五層的溫泉旅館，單是天守閣的外形已經相當吸睛，用嚟呃Like簡直一流！喺度住一晚好似化身成為城主咁，擁有自己嘅城堡真係何其快哉！入住雙人房1泊2食每位收費都係8,541円。就算唔係度住，佢哋Lunch都好吸引㗎！好似係白飯魚御膳（1,700円）、熊野牛ShabuShabu御膳（2,800円）等等，都係湯淺城必食！如經過湯淺城不妨入去走番轉吧！

湯淺城
地址：和歌山県有田郡湯浅町青木75
網址：http://yuasajyo.jp/
查詢或預約：0737‐63‐6688

地道旅館 紀州白濱溫泉武藏
好多人去日本就係想體驗地道嘅日式旅館，咁嚟到和歌山，當然要試吓啦！所以小編另一個推薦嘅旅館係位於白濱嘅武藏溫泉旅館。旅館提供一泊二食，二人房只需30,000日圓，計番平均每個人都一千蚊港紙左右，都算抵住啦！而且由十月到第二年嘅三月，仲可以試到佢哋季節限定嘅泥斑魚料理，喺旅館品嚐到充滿鮮名嘅泥斑魚火鍋！一句講哂：世界級！

和歌山之旅第二站：黑潮市場嚐鮮 豉油/梅酒製作初體驗 歎住至正溫泉旅館

紀州白濱溫泉－武藏
地址：和歌山県西牟婁郡白浜町868
網址：http://www.yado-musashi.co.jp/ct/
查詢或預約：0739-43-0634

想了解更多，可以重溫：
和歌山之旅第一站：坐主題列車遊走貴志川線尋訪貓站長 食爆多葱拉麵（文章：https://flyagain.la/48277、影片：https://youtu.be/KMqTYgYZokA）

想知和歌山最新資訊，記得訂閱我們Youtube：https://flyagain.tv/

恭喜發財！祝大家新年快樂，身體健康！襯住新年當然要出遊行番個大運啦！依家坐Airasia去東南亞仲有平添呀，玩幾日轉番嗰靚運就最啱喇！Airasia推出新年優惠，單程飛東南亞只需HK$233起，航點眾多，如清邁、布吉、曼谷等等，就算轉機去澳洲各大城市好似悉尼、墨爾本等等都一樣咁抵，單程票價亦只需HK$733起！

各個航點來回連稅計：沙巴HK$1,003起、吉隆坡HK$1,034起、清邁HK$1,079起、曼谷HK$1,079起、布吉HK$1,093起、馬尼拉HK$949起、峇厘HK$1,844起、清萊HK$1,685起、喀比HK$1,547起、檳城HK$1,429起、古晉HK$1,567起、蘭卡威HK$1,423起、烏隆他尼HK$1,540起、素叻HK$1,547起、珀斯HK$2,333、墨爾本HK$2,603起、黃金海岸HK$3,191起、悉尼HK$3,230起。

提提大家：依家仲可以優惠價訂購機上特色餐飲Santan套餐添㗎！套野唔駛$20，仲包埋飲品！Airasia提供嘅熱食眾多，而且好有地方特色㗎，例如瑪沙拉奶油印度雞飯、Pak Nasser馬拉椰漿飯、Kamal 印度炒麵 + 拉茶等等，個人未到當地，你已經可以率先品嚐咗當地嘅美食，真係夠哂正呀！又有平機票，又有好嘢食，今個新年，你仲唔快啲訂飛去行個靚運！

寄艙行李費用：20kg – HK$150、25kg – HK$200、30kg – HK$260
訂機票後追加寄艙行李費用：20kg – HK$173、25kg – HK$230、30kg – HK$299

【出發日期】2月6日至7月6日（旺季除外）
【訂票日期】即日起至2月5日
【訂購網址】http://flyagain.la/ncih

（覺得抵可用Whatsapp同LINE Share俾朋友架）

雞年出遊行大運！Airasia單程飛東南亞$233起、澳洲$733起，7月6日前出發