7蚊！7蚊！7蚊！7蚊！7蚊！7蚊！7蚊！7蚊！係7蚊呀！HK Express為咗慶祝突破七百萬乘客，依家正式推出限時7小時限定優惠！香港單程飛指定航點只需HK$7起，無錯，係7蚊咋價錢真係超正！

來回連稅計：石垣島HK$269起、芽莊HK$393起、花蓮/台中HK$399起、峴港HK$411起、濟州HK$434起、清萊HK$460起、暹粒HK$469起、首爾HK$471起、關島HK$472起、仰光HK$486起。以上價格包7kg手提行李，不包括行李寄艙費用及飛機餐。

如果您有指定滙豐信用卡，仲正呀！今個月7號至13號訂購HK Express 機票可享低至7折及免費20kg託運行李（換言之機票只係HK6）！

【出發日期】3月13日至12月15日
【訂票日期】3月10日早上8時至下午3時正

【寄艙行李費用】全部航點劃一收費20kg $229、25kg $360、30kg $365

【訂購網址】：booking.hkexpress.com
【預訂教學】：http://flyagain.la/33992
【必睇！香港快運訂票10大Q&A】：http://flyagain.la/9895

（覺得抵可Whatsapp同LINE Share俾朋友）

開賣啦！$7咋！限7小時！HK Express單程飛日韓台$7起，12月15日出發

平坐商務飛歐洲，仲要送日本來回機票？馬來西亞航空商務艙再次大劈價：香港經吉隆坡來回倫敦HK$11,268（連稅HK$13,453）起，記住係商務艙喎，萬四蚊飛歐洲都算幾抵，而最著數都係啲Miles，機票Class Code（子艙位）為D，儲落Asia Miles或者Avios有125%里數，坐一轉即賺超過20,000里，儲Avios已經夠換日本/韓國來回經濟位機票啦。至於馬航商務艙，吉隆坡-倫敦呢程長途仲可坐到A380添，長途有Flat Bed唔在講，另外記得上機前入Lounge歎歎先，寄艙行李都升級到40kg！

提提大家，今次優惠去Hutchgo訂會平7百幾蚊，官網較貴！不過都要講句，馬來西亞航空，唔敢搭馬航，就千祈唔好買，千祈唔好買，千祈唔好買。

【出發日期】即日起至5月31日
【機票有效期】1個月
【最後訂票日期】3月10日或售完即止

【訂購網址】www.hutchgo.com.hk
【預訂教學】http://flyagain.la/33982

（覺得抵可Whatsapp同LINE Share俾朋友）

巨減！馬來西亞航空商務艙優惠：香港來回倫敦$11,268起，賺里數夠換日韓來回機票，5月31日前出發

新西蘭自然風光令人陶醉，有世界知名的國家公園，環抱壯麗美景。平時生活忙碌又大壓力，真係好想走入「現代塵世美」嘅夢幻國度，全心放鬆和享受寧靜！新西蘭航空推出優惠，不如襯機出走啦：香港直航來回奧克蘭只需HK$4,750（連稅HK$5,421）起，比正價平成2千2蚊，真係幾抵下。仲可經奧克蘭轉飛其他內陸城市：羅托魯瓦HK$5,750（連稅HK$6,421）起、基督城/威靈頓HK$6,250（連稅HK$6,921）起、皇后鎮/但尼丁HK$6,750（連稅HK$7,421）起。

除咗有靚景靚地之外，新西蘭仲有其他動感活動！例如：笨豬跳、高空跳傘、峽谷探險、漂流、越野四驅車、噴射快艇等等。鍾意動又得，鍾意靜又得，得咗～

新西蘭航空仲有另一個限時激正優惠，依家3人同行仲可以HK$1升級新西蘭航空獨有嘅「Skycouch空中梳化」，原價要成HK$1,400㗎，當你兩大一細咁去，連埋空中梳化Skycouch服務，三個人除返開每人連稅都只係HK$4,988！話晒飛長途，當然升級享受啦！留意3人同行享用空中梳化Skycouch只限2名成人+1名小童，或1名成人+2名小童。

【出發日期】3月7日至3月28日
【機票有效期】3個月
【最後訂票日期】3月13日

【訂購網址】 www.newzealand.com/hk

（覺得抵可Whatsapp同LINE Share俾朋友）

嘩！親親自然，夢想之旅！新西蘭航空直航來回奧克蘭$4,750、羅托魯瓦/基督城/威靈頓/皇后鎮/但尼丁$5,750起，3月28日前出發

睇完又飛啦TV最新一集「週末又飛啦：和歌山之旅」係咪對貴志川線嘅四款主題列車、貓站長二玉四玉好感興趣呢？係咪想知多啲葱拉麵嘅資料呢？唔駛心急，等小編逐一話你知啦！（未睇嘅仲唔快啲Click入去睇）！

去得和歌山，首站當然是坐貴志川線嘅特色列車，去探一探活潑可愛嘅貓站長啦！和歌山電鐵貴志川線位於日本的和歌山，全長14.3公里，主要是連接和歌山市和位於紀之川近鄰的貴志站。貴志川嘅特色列車一共有四款，分別是ICHIGO EC 草莓列車、OMODEN 玩具列車、TAMADEN小玉電車及うめ星電車（梅星電車）。記得出發前查清楚列車時間，有機會一日之內坐哂四款主題列車㗎！

和歌山之旅第一站：坐主題列車遊走貴志川線尋訪貓站長 食爆多葱拉麵

ICHIGO EC 草莓列車
因貴志川周邊有大量的草莓園，所以車廂也以此作為設計題。車廂內部無論是座位、桌椅及地板等全都是用原木打造而成，座椅上印有草莓圖案，甫上車即仿佛猶如身處草莓園的感覺。

OMODEN 玩具列車
另一款特色列車顧名思義，便是以玩具作為設計主題。車廂內擺滿了許多不同的玩具，仲可以扭蛋添，啱哂鍾意扭蛋嘅小編呀！

TAMADEN小玉電車
媽呀，會唔會太可愛呢！列車上一共畫了101隻小玉在上面，貓咪們會用各種可愛的姿勢歡迎你，你個人未去到搵貓站長，已經可以感受到佢嘅熱情喇！

うめ星電車（梅星電車）
剛剛於上年六月加入的うめ星電車（梅星電車）與其他主題列車一樣，同樣由日本名設計師水戸岡鋭治設計，以和歌山特產南高梅為主題，深紅色的電車，感覺十分有質感，車頂的裝置全用純木製作，予人一種高級的和風感覺。

坐得貴志川線，當然要去探貓站長啦！不過我哋依家睇到嘅貓站長已經經係「二代目」喇，因為第一代貓站長已經升格為貴志站的小玉大明神。而二代玉站長原本任職於伊太祈曽站，同其他職員一樣，二代玉都要「輪更」㗎！通常佢會喺貴志站，逢星期三和星期四休息。而得八個月大嘅見習站長四玉，就暫時只會逢星期三同四喺伊太祈曽站執勤！所以無論你想去探二玉定四玉，都要睇清楚時間呀！

參考資料：
票價：（一日乘車券）成人：780円、小童半價

售票處：
和歌山站9號月台
伊太祈曽站 （9:00-17:30）
貴志站 玉咖啡館（9:15-17:15/每月第三週星期三公休）
小玉商品館（10:00-16:15）

網址：http://www.wakayama-dentetsu.co.jp/ta/

*貴志站及和歌山電鐵的特色列車：DESIGNED BY EIJI MITOOKA+DON ASSOCIATES

ラーメン まるイ (RAMEN MARUI)
講起日本必食嘅，唔駛講一定係拉麵。單係拉麵在日本已經可以分成多種派系和風格，每個地方都有自己的特色拉麵！而嚟到和歌山，ラーメン まるイ嘅葱花拉麵真係必食，未端上餐桌已經可以香你四溢，令人食指大動，垂涎三尺！拉麵上方鋪上滿滿的葱花，葱花是店家每天清晨5點到農家處收割，確保葱花以最新鮮的狀態呈現在食客的眼前。

招牌葱拉麵 價錢：750円
叉燒葱拉麵 價錢：850円

地址：和歌山県和歌山市十二番丁87ル・シャトレ十二番丁1F
營業時間：11a.m.-9:00a.m. （星期一至六）
（星期日休息）

和歌山好玩好食嘅又點至咁少呀，之後仲陸續有嚟呀！想知和歌山最新資訊，記得訂閱我們Youtube：http://flyagain.tv/

去澳洲唔係悉尼就墨爾本？傻啦，澳洲嘅魅力點只得咁少！識玩當然要玩埋北領地啦！依家上新航假期訂購澳洲精選套票（包新加坡航空來回機票及兩晚酒店）只需HK$2,199起，仲可以換取高達新幣S$50的樟宜機場消費現金券！依家仲有個超正優惠添！首160名訂購澳洲套票，即免費送您澳洲內陸航班前往北領地（達爾文、愛麗斯泉、烏魯魯）嘅機票！一個套票比你玩盡澳洲海陸空呀！

你可能唔知北領地係邊，等小編立即介紹番先！北領地位於澳洲中北部，以自然景觀和原住民文化特色見稱。其中嘅首府達爾文更係必去，除咗有悠閒的市集，亦可於海濱欣賞日落下醉人景色，當中最刺激嘅首選鱷魚主題公園 Crocosaurus Cove，你除咗可以餵鱷魚、抱抱鱷魚 BB，更可以與鱷魚一同「暢泳」添！此外，而烏魯魯及愛麗斯泉係一睹世界遺產的巨型砂岩理想之地，你仲可以體驗四驅車及駱駝背上橫越赭色的沙漠，置身原住民文化之中，留下難忘回憶。

套票唔一定4日2夜，可以選擇stay behind或Open-jaw。如果你有東亞銀行信用卡仲可以每位再減HK$200，折扣後只需$1,999（連稅HK$4,691）起！咁就可以更平更抵玩啦！即刻Click入新航假期網址（http://www.sia-holidays.com/nt17/）了解更多，或者打2870 8788訂飛啦！

【北領地內陸航班選擇】：
－ 由布里斯班／墨爾本／珀斯／悉尼往達爾文 ；
－ 由阿德萊德／達爾文往愛麗斯泉 或 由愛麗斯泉往達爾文；
－ 由悉尼往烏魯魯

【出發日期】即日起至10月31日（7月1日至8月6日、9月24日至10月2日旺季須提升至更高代號）
【訂票日期】即日起至3月31日
【機票有效期】5-21日
【套票詳情】http://www.sia-holidays.com/nt17/
【新航假期熱線】2870 8788

*優惠受有關條款及細則限制，套票需二人或以上同行。

（覺得抵可Whatsapp同LINE Share俾朋友）

超筍！買套票送機票！新航假期澳洲套票HK$1,999起，即送達爾文、愛麗斯泉、烏魯魯內陸機票，10月31日前出發

飛馬來西亞除咗傳統航空嘅國泰同馬航，或者廉航Airasia之外，仲有馬印航空可以揀喎！佢哋推出限時優惠：香港來回吉隆坡只需HK$730（連稅HK$1,015）起，呢間雖然係低成本航空，但呢口價已包30kg行李（可寄2件）同飛機餐，飛機座位仲有電視仔同USB充電，性價比絕對高啦！另外單程都有優惠，淨機票HK$390（連稅HK$540）起，如果之前買咗吉隆坡出發嘅歐洲平飛，咁就啱晒用嚟駁腳啦！

Check過系統，平飛集中平日出發，大時大節公眾假期就冇平，官網較貴，有興趣即到Expedia香港出票。

【出發日期】3月1日至12月31日（旺季除外）
【機票有效期】不限
【最後出票日期】3月5日或售完即止

【訂購網址】www.expedia.com.hk
【預訂教學】http://flyagain.la/31983

（覺得抵可Whatsapp同LINE Share俾朋友）

超高性價比！馬印航空香港飛吉隆坡，單程$390、來回$730起！仲包30kg行李！12月31日前出發

想去歐洲嘅粉絲留意喇，唔想轉機咁麻煩，不如睇睇法航荷航嘅直航筍盤啦！依家香港直航阿姆斯特丹或巴黎來回只需HK$3,930起，連稅計：阿姆斯特丹HK$4,391起、巴黎HK$4,650起，以呢口價坐直航都好抵，話哂直航唔駛轉機咁麻煩，而且法航荷航質素都唔錯，呢口價講真幾抵，再者一家大細有老有嫩唔想轉機就真係歐遊首選啦！即上Expedia出票。

除咗直航之外，經阿姆斯特丹或巴黎轉機飛歐洲其他地方都有平，詳情可睇返：https://flyagain.la/48083。

【出發日期】即日起至6月24日、9月11日至12月15日
【機票有效期】1個月
【最後訂票日期】3月13日或售完即止

【訂購網址】www.expedia.com.hk
【預訂教學】http://flyagain.la/31983

（覺得抵可Whatsapp同LINE Share俾朋友）

正呀！荷航/法航香港直飛阿姆斯特丹或巴黎連稅$4,391起，12月15日前出發

又要搶平機票，又要搵平酒店！最方便梗係一次過Book平套票啦，訂套票最高慳60%呀！Expedia x HK Express套票全線勁減又嚟啦！包括日、韓、台、泰及東南亞都有優惠，最平係去台中3日2夜，機票連酒店連稅都只係HK$1,054起，日韓套票最平連稅亦只需千5蚊左右！依家仲可以登記成為Expedia+會員，享受尊享禮遇，儲埋積分（參考下文）。小小編搵咗日韓台性價比高嘅抵玩精選酒店推介俾大家：

東京：HOTEL MYSTAYS 東池袋（https://flyagain.la/it5u），3日2夜連稅每位HK$1,607起，位於池袋區，方便去Shopping，由酒店行去向原地鐵站只係3分鐘，附近亦有24小時便利店同食店；

大阪：京阪天滿橋酒店（https://flyagain.la/uxq5），3日2夜連稅每位HK$1,927起，地點方便，天滿橋站步行約1分鐘即達。而且呢間係京阪集團嘅連鎖酒店，質素有保證；

福岡：福岡西鐵飯店（https://flyagain.la/16f1），3日2夜連稅每位HK$1,984起，呢間酒店位於天神區，附近有唔少大型商場、地下街、晚上仲有地道屋台，食買玩都齊，加上網絡上評價都幾高；

首爾：納法爾酒店（https://flyagain.la/0m17），3日2夜連稅每位HK$1,714起，位於鐘路區，可步行至兩個地鐵站（鐘路3街站、乙支路3街站），前往各地點都好方便。而且可坐6002機場巴士往返仁川機場，唔駛轉車搬行李；

台中：小西城旅店（https://flyagain.la/ag99），3日2夜連稅每位HK$1,064起，位於台中西區，樓下就係公車站。酒店採用木紋裝潢同格調，感覺新潮同型格，是背包客嘅好選擇；

以上套票係精選推介，仲有其他目的地及酒店選擇，套票亦唔一定係3日2夜，日子可長可短，大家可到Expedia香港慢慢發掘！提提大家：乘搭HK Express包7kg手提行李，如需寄艙行李，可以訂購後憑訂單編號上返官網加購。套票適用出發日期由3月21日至2018年2月28日（旺季除外），最後訂購日期為3月31日，把握機會訂購！

網址：www.expedia.com.hk

Expedia+ 會員計劃：加入會員費用全免，成功登記後成為 +blue 級別成員，訂酒店及套票消費每HK$5即獲得1分，而機票消費每HK$50即獲得1分，儲滿3,500分就獲得HK$200酒店代用券。而對符合條件嘅消費滿HK$35,000或預訂符合條件嘅酒店滿7晚，即可達到 +silver 級別；對符合條件嘅消費滿HK$75,000或預訂符合條件嘅酒店滿15晚，即可達到 +gold 級別，享受更高一等的禮遇。（參考詳情：https://flyagain.la/b5xz）

（覺得抵可Whatsapp同LINE Share俾朋友）

套票勁減！Expedia限定：HK Express 3日2夜機票+酒店連稅$1,054起，日韓台及東南亞都有！2018年2月28日前出發