國泰有個幾抵嘅首爾盤，連稅2千1左右，依家連埋3晚住宿只係比多幾十蚊？嘩！咁抵？還掂都要訂酒店，小小編搵到訂套票仲抵！

以2人同行為例，包國泰航空來回機票＋3晚酒店，每位最平連稅HK$2,274起，同一日子嘅機票都已經要HK$2,188一位啦，即係訂多三晚酒店都只係俾多95蚊咋！（以5月20日去、23日回程，入住克洛伊旅館），而且其他首爾酒店都好平呀，真係好想立即走番轉首爾呀！

當然，首爾咁正，仲有好多其他酒店選擇，小小編仲搵咗其中兩間精選酒店俾大家參考：

新韓國酒店（https://flyagain.la/3aul）4日3夜全包價每位HK$2,565起，鄰近會賢站1號出口，由酒店行去南大門、南山、明洞都好方便，亦可到附近嘅新世界百貨公司Shopping，房價已包早餐；

弘大設計師酒店（https://flyagain.la/halm）4日3夜全包價每位HK$2,907起，鄰近地鐵2號線合井站、弘大站之間，地點方便，亦可乘搭機場巴士6002號直達，往返機場勁方便，加上室內設計獨具一格，啱晒鍾意住潮酒店嘅您；

4日3夜只屬舉例，日子可長可短，最長可8日7夜，其他平價套票可上Expedia香港慢慢搵。出發日期由即日起至5月30日。此外，經Expedia買套票有樣好，可以免費Stay Behind：只要搜尋前剔選”我只需要在部分旅程中入住酒店”，再揀埋需要住房嘅日子就掂，其他日子您住邊都得，勁有彈性。

訂購網址：www.expedia.com.hk

（覺得抵可Whatsapp同LINE Share俾朋友）

超激筍套票！坐國泰，首爾4日3夜套票連稅$2,274起，包30kg行李！5月30日前出發

新一集嘅「和歌山之旅：第二集」嚟啦：https://youtu.be/35b1VC23tfs。大家睇咗未呢？見到兩位主持人去到黑潮市場，體驗劏吞拿魚表現兼親手整壽司，到湯淺及紀州參與製作豉油同埋親自調配唔同味道嘅梅酒！您係咪都好想親身整一次呢！即刻Bookmark以下資料，嚟緊plan去和歌山嗰陣就啱用啦！（老規矩，未睇片就快啲去睇咗先啦！）

黑潮市場搶嚐鮮
嚟到日本自然要食壽司刺身，喺和歌山首選嚟遠近馳名嘅黑潮市場啦！黑潮市場位於和歌山遊艇城內，深受外國遊客歡迎。當中最正嘅係一日只得三場嘅劏吞拿魚表演，師傅會選用當日最新鮮最肥美嘅吞拿魚，詳細講解吞拿魚的每個部份，等您可以欣賞師傅嘅刀工之餘，亦可食其所味。此外，您亦都可以好似主持人咁，報名參加魚乾及壽司製作體驗，體驗班上會教您點樣製作正宗嘅日式魚乾，整完仲可以即刻試埋自己嘅「作品」添㗎！不過留意番體驗班係要預約㗎！想試嘅話記得打電話去預約喇！

【黑潮市場】
地址：和歌山縣和歌山市毛見1527和歌山遊艇城內
網址：https://www.marinacity.com/chi/ichiba/
營業時間：10:00-17:00
查詢：073-448-0008

湯淺醬油廠 金山寺味噌
一流嘅壽司又點可以無頂級嘅醬油呢！要食靚醬油當然要去一轉日本豉油嘅發源地湯淺啦！湯淺醬油絕對係縣內首屈一指嘅醬油廠，您可以品嚐到經歷百年嘅味道，仲可以親身參與並了解醬油製作嘅過程，令您對日本醬油有更深入嘅了解！除咗有體驗行程外，醬油廠亦設有紀念品及手信區，您可以喺度揀唔味道嘅豉油拎番香港做手信㗎（聽講豉油好似酒咁，唔同年份，味道都唔同喎）！

【湯淺醬油】
地址：和歌山県有田郡湯浅町湯浅1464
網址：http://www.yuasasyouyu.co.jp/
查詢或預約：0737-63-2267

親自「做梅」 紀州梅干館
和歌山盛產南高梅，所以梅子亦成為作和歌山必買嘅手信。當您嚟到紀州梅干館，除咗有現成嘅各式梅干售賣，您仲可以參加製作班，分別是梅干、梅酒及梅汁！當中最吸引嘅，自然係梅酒班啦！體驗班內提供嘅酒類包括日本酒、燒酒、白蘭地，等您可以親自調製喜歡的梅酒味道，鍾意梅酒嘅您又豈能錯過呢？留意番想參加以上嘅製作班都係要先行預約，去之前記得打電話呀！

【紀州梅干館】
地址：和歌山県日高郡みなべ町山内1339
營業時間：8:30-17:00
網址：http://www.umekan.com/
查詢或預約：0739-72-2151
價錢：JPY 2,000/ 人

去得和歌山，自然要入住佢哋溫泉旅館啦！問小編有乜好推介？不如睇睇呢兩間啦！

城中溫泉 湯淺城
遠看或會以為又是日本的百座名城，其實湯淺城是一座樓高五層的溫泉旅館，單是天守閣的外形已經相當吸睛，用嚟呃Like簡直一流！喺度住一晚好似化身成為城主咁，擁有自己嘅城堡真係何其快哉！入住雙人房1泊2食每位收費都係8,541円。就算唔係度住，佢哋Lunch都好吸引㗎！好似係白飯魚御膳（1,700円）、熊野牛ShabuShabu御膳（2,800円）等等，都係湯淺城必食！如經過湯淺城不妨入去走番轉吧！

湯淺城
地址：和歌山県有田郡湯浅町青木75
網址：http://yuasajyo.jp/
查詢或預約：0737‐63‐6688

地道旅館 紀州白濱溫泉武藏
好多人去日本就係想體驗地道嘅日式旅館，咁嚟到和歌山，當然要試吓啦！所以小編另一個推薦嘅旅館係位於白濱嘅武藏溫泉旅館。旅館提供一泊二食，二人房只需30,000日圓，計番平均每個人都一千蚊港紙左右，都算抵住啦！而且由十月到第二年嘅三月，仲可以試到佢哋季節限定嘅泥斑魚料理，喺旅館品嚐到充滿鮮名嘅泥斑魚火鍋！一句講哂：世界級！

和歌山之旅第二站：黑潮市場嚐鮮 豉油/梅酒製作初體驗 歎住至正溫泉旅館

紀州白濱溫泉－武藏
地址：和歌山県西牟婁郡白浜町868
網址：http://www.yado-musashi.co.jp/ct/
查詢或預約：0739-43-0634

想了解更多，可以重溫：
和歌山之旅第一站：坐主題列車遊走貴志川線尋訪貓站長 食爆多葱拉麵（文章：https://flyagain.la/48277、影片：https://youtu.be/KMqTYgYZokA）

想知和歌山最新資訊，記得訂閱我們Youtube：https://flyagain.tv/

Kiwi.com，原名 Skypicker，是一間網上旅行社，經這個網站搜尋機票，可以將各個獨立航空公司航班，連成單一的飛航行程。本文會教大家從KIWI.com網站訂購機票。

溫馨提示：海外旅遊網站不受香港旅遊業協會監管，風險必須自負；如有服務需要，亦需透過網站即時對話進行，該公司不設任何服務熱線電話，敬請留意。

Step 1: 進入KIWI.com主頁（www.kiwi.com），系統會預先定義了出發地和出發日期，和選取了單程機票，網頁的右方會列出出發地飛往鄰近地點的最低機票價格。

手拉手零經驗至強訂票教學：KIWI.com

Step 2: 如果想搜尋來回機票，點選出發地上方的”回程”，再輸入出發地、目的地、旅遊日期，KIWI.com有個功能，可以提供靈活出發日期選擇，除了輸入指定日子外（即提供確切的出發及回程日子），亦可以只提供出發日子或出發時段，然後選取停留2-10晚，系統就會列出所有搜尋結果，這樣會更易找到平機票。

如下圖例子，去程選擇間隔「6月4日至6月17日」、回程選擇間隔「7月1日至7月8日」，系統就會大範圍地搜尋此段期間出發及回程的所有機票組合。

Step 3: 網頁列出的結果是已連稅的價格，預設按推薦度而排列，如揀到想訂購的航班，則按”訂這個班機”往下一步。

Step 4: 覆核所選航班時間及價錢，確認無誤後於同一頁面填寫旅客資料，先是旅客姓名，先選稱謂，再填名字，後填姓氏，次序不要搞混，必須跟護照上所示相同，再填寫出生日期、國籍、護照資料。請確保電郵地址正確，因為訂單或行程資料會發送到此郵箱；再填寫聯絡電話。

Step 5: 確保以上所填資料無誤後，便可於同一頁面填寫信用卡資料準備付款。KIWI.com接受VISA、Master card、AE、JCB等信用卡付款，請依次填寫信用卡號、信用卡到期日、印於卡面或卡背的3位或4位數字保安碼CVC/CVV、信用卡持卡人姓名。

Step 6: 最後剔選 “我同意 Kiwi.com 的條款協議……”旁的方格及按綠色”付款”鍵即完成。在成功付款後將會立即收到付款確認，及後 Kiwi.com會處理訂單，之後就會收到預定確認，電子機票。

如在訂票時或訂票後有任何問題想與客戶服務員聯絡，可按網站右下角「？」圖標開啟Live Chat與線上客服聯絡。

樂桃航空5週年真係多優惠啦！今晚（3月6日0:00）起又有新搞作：香港飛沖繩單程HK$550起、大阪HK$730起。

咁貴？但呢個價係已包20kg寄艙行李、樂享座位選位免費、更改航班可免手續費！來回連稅沖繩HK$1,355起、大阪HK$1,835起。

價錢唔算好貴嘅，加加埋埋都可能同傳統航空差唔多，所以大家記緊比價比清楚先好訂，叫做俾多個選擇大家啦。

有興趣就今晚12點開始去樂桃官網訂啦。（記住到時揀返”Happy Peach Plus”先係今次優惠呀～）

【出發日期】3月15日至4月13日、4月18日至4月27日、5月8日至6月30日
【機票有效期】不限
【訂票日期】3月6日0:00至3月26日23:59（香港時間）

【訂購網址】
網址（桌面版）：www.flypeach.com
網址（手機版）：mobile.flypeach.com
【訂票教學】http://flyagain.la/34347

（覺得抵可Whatsapp同LINE Share俾朋友）

樂桃新優惠！香港飛沖繩/大阪單程$550起，加送20kg行李+選位！6月30日前出發

平坐商務飛歐洲，仲要送日本來回機票？馬來西亞航空商務艙再次大劈價：香港經吉隆坡來回倫敦HK$11,268（連稅HK$13,453）起，記住係商務艙喎，萬四蚊飛歐洲都算幾抵，而最著數都係啲Miles，機票Class Code（子艙位）為D，儲落Asia Miles或者Avios有125%里數，坐一轉即賺超過20,000里，儲Avios已經夠換日本/韓國來回經濟位機票啦。至於馬航商務艙，吉隆坡-倫敦呢程長途仲可坐到A380添，長途有Flat Bed唔在講，另外記得上機前入Lounge歎歎先，寄艙行李都升級到40kg！

提提大家，今次優惠去Hutchgo訂會平7百幾蚊，官網較貴！不過都要講句，馬來西亞航空，唔敢搭馬航，就千祈唔好買，千祈唔好買，千祈唔好買。

【出發日期】即日起至5月31日
【機票有效期】1個月
【最後訂票日期】3月10日或售完即止

【訂購網址】www.hutchgo.com.hk
【預訂教學】http://flyagain.la/33982

（覺得抵可Whatsapp同LINE Share俾朋友）

巨減！馬來西亞航空商務艙優惠：香港來回倫敦$11,268起，賺里數夠換日韓來回機票，5月31日前出發