近排飛印尼峇里少咗好多優惠！國泰港龍開賣峇里平飛，出發日子仲去到今年10月底！價錢都唔錯，諗住去嘅粉絲不妨睇睇佢啦！

依家坐國泰港龍香港直航來回印尼峇里島只需HK$2,301（連稅HK$2,627）起。價錢都OK嘅，勝在暑假頭、暑假尾都平（舉例7月6日去、13日返，或8月24/27日去、31日返），或者公眾假期（舉例9月28日去、10月5日返）都有！

留意番呢口價限坐國泰港龍嘅機（國泰唔得），只限逢週四、日出發或回程。Check過系統，平飛集中9-10月，官網冇平，有興趣可到Expedia香港出票。記住偏好的航空公司揀”國泰港龍航空”。

【出發日期】即日起至4月11日、4月17日至7月6日、8月24日至10月29日（逢星期四、日）
【機票有效期】14日
【最後訂票日期】售完即止

【訂購網址】www.expedia.com.hk
【預訂教學】https://flyagain.la/31983

（覺得抵可Whatsapp同LINE Share俾朋友）

正呀！終於減啦！暑假有平！國泰港龍香港直航來回峇里島$2,301起，10月29日前出發

機票抵！套票仲抵呀！陣間HK Express將會開賣Mega Sales優惠機票，Expedia亦會同步開賣旅遊套票㗎！今晚12點上Expedia訂購全部航點3日2夜套票來回HK$650起！依家仲可登記成為Expedia+會員，享受尊享禮遇，儲埋積分（參考下文），小小編搵咗日韓台性價比高嘅抵玩精選酒店推介俾大家：

東京：MyStays 淺草橋酒店（https://flyagain.la/y1ij）由酒店行3分鐘即達到JR或都營地下鐵淺草橋站，達兩條鐵路線的便利，行去點秋葉原大約7-10分鐘，或坐1個站就到。酒店樓下就有便利商店同24小時超市，生活機能便利；

大阪：天滿 APA 酒店（https://flyagain.la/rbnz），酒店鄰近JR天滿站，步行約5-10分鐘即達酒店，附近有著名的天神商店街，有多家食肆，特色商舖逛到飽，行到攰返到酒店就可以浸吓大浴場同桑拿，消除疲勞；

福岡：天神住宿酒店（https://flyagain.la/qoq0），酒店位處天神購物區，行去天神地鐵站約8分鐘，隔離就係各大百貨公司同食肆，買完一包二包戰利品再返酒店都好方便；

首爾：新村愛威爾 8 服務公寓酒店（https://flyagain.la/vt2y）位於新村區的人氣酒店，服務擁有高評價，房間格局新淨寬敞，地點都一流，步行去梨大地鐵站5分鐘，而新村梨大各個購物區都在附近，食買玩都方便

台中：小西城旅店（https://flyagain.la/1x7p），位於台中西區，樓下就係公車站。酒店採用木紋裝潢同格調，感覺新潮同型格，是背包客嘅好選擇；

以上套票係精選推介，仲有其他目的地及酒店選擇，套票亦唔一定係3日2夜，日子可長可短，大家可到Expedia香港慢慢發掘！提提大家：乘搭HK Express包7kg手提行李，如需寄艙行李，可以訂購後憑訂單編號上返官網加購。套票適用出發日期由3月21日至2018年2月28日（旺季除外），最後訂購日期為3月16日，把握機會訂購！

網址：www.expedia.com.hk

Expedia+ 會員計劃：加入會員費用全免，成功登記後成為 +blue 級別成員，訂酒店及套票消費每HK$5即獲得1分，而機票消費每HK$50即獲得1分，儲滿3,500分就獲得HK$200酒店代用券。而對符合條件嘅消費滿HK$35,000或預訂符合條件嘅酒店滿7晚，即可達到 +silver 級別；對符合條件嘅消費滿HK$75,000或預訂符合條件嘅酒店滿15晚，即可達到 +gold 級別，享受更高一等的禮遇。（參考詳情：https://flyagain.la/b5xz）

（覺得抵可Whatsapp同LINE Share俾朋友）

超正！套票勁抵！Expedia X HK Express 3日2夜機票+酒店連稅$650起！2018年2月28日前出發

搶搶搶！HK Express又有Megasale開搶！單程飛所有航點HK$88起咋！今晚（3月14日0:00）起開搶！價錢真係勁抵，今次優惠出發日子仲去到出年2月添，根據經驗，愈打後出發平飛數量都會愈多，不過旺季基本上係Black-out唔駛諗！有U-fly pass優先購票證嘅朋友可以依家上去買喇，其他人就等今晚12點開搶啦。以上價格包7kg手提行李，不包括行李寄艙費用及飛機餐。

來回連稅：廣島/鹿兒島/高松/石垣島HK$431起、福岡HK$510起、芽莊HK$555起、台中/花蓮HK$561起、塞班HK$568起、峴港HK$573起、釜山/濟州HK$596起、仰光HK$648起、清萊/清邁/布吉HK$622起、名古屋HK$623起、東京HK$629起、暹粒HK$631起、首爾HK$633起、關島HK$634起、大阪HK$661起！

【出發日期】3月21日至2018年2月28日（旺季除外）
【訂票日期】3月14日至3月16日或售完即止
【寄艙行李費用】
全部航點劃一收費20kg $229、25kg $360、30kg $365

【訂購網址】：booking.hkexpress.com
【預訂教學】：http://flyagain.la/33992
【必睇！香港快運訂票10大Q&A】：http://flyagain.la/9895
【Reward-U全攻略】：http://flyagain.la/38928

（覺得抵可Whatsapp同LINE Share俾朋友）

嘩！全線單程$88！HK Express Mega Sale香港飛全部航點單程$88起，2018年2月28日前出發

乜依家搭飛唔駛錢咩！海南航空剛剛有個超筍價！深圳出發經杭州飛北海道札幌票價只需HK$10起，來回連稅HK$987起。呢口價真係真係超抵，講係連稅唔駛一千，仲要包23KG行李！不過留意番呢口價只限3月出發，而且仲係大陸航線，仲要轉機過夜，巡例都要空管吓，買之前諗諗佢喇！呢口價賣完就無，價啱即上Ctrip訂飛啦！

【出發日期】3月31日或之前
【機票有效期】1個月
【最後訂票日期】售完即止

【訂購網址】 www.ctrip.com.hk
【預訂教學】https://flyagain.la/34618

（覺得抵可Whatsapp同LINE Share俾朋友）

癲價！連稅唔駛一千！海南航空深圳來回北海道札幌連稅$987起，3月底前出發

講到要去澳門搵間靚靚酒店歎番吓，識揀當然係揀澳門路氹永利皇宮啦，間房又大又舒服，住過真係番唔到轉頭！如果你都想去嘅依家有機會喇，澳門路氹永利皇宮又有勁正優惠，雙人入住永利皇宮連咖啡苑雙人自助早餐，每晚每位低至HK$630起！

澳門路氹永利皇宮有幾正？永利嘅酒店房出晒名夠大，面積起碼68平方米 （730平方呎），比其他同級酒店套房更加寬廣舒適！永利皇宮客房除咗有特大雙人床，仲有65吋特大電視睇，加上嚟自英國獨家特配嘅沐浴用品，真係優惠價享受一流的服務。至於佢哋嘅自助早餐亦都相當正斗，咖啡苑橫跨永利皇宮兩層，所有座位都係面向表演湖，環境寬敞舒適，你可以一邊享用早餐，一邊望住表演湖璀璨嘅景緻，真係超正！永利皇宮仲有一個非常特別嘅觀光纜車SkyCab，房價已包免費乘搭，Wynn Insider會員更享無限任坐添。間酒店咁正，仲唔Click下面網址訂房！

【最後訂房日期】3月17日
【入住日期】即日起至2018年1月31日

【訂購網址】https://flyagain.la/zdu7

（覺得抵可WhatsApp同LINE Share俾朋友）

搶訂喇！澳門路氹永利皇宮推出限時6折優惠: 住宿連湖畔自助早餐每晚每位只需$630起，2018年1月31日前入住

國泰今年年底會開辦香港去新西蘭基督城嘅季節性直航航班，但睇個勢，都唔會平得去邊㗎啦。想去新西蘭南島？華航呢張平機票真係冇得輸！

香港經台北來回新西蘭基督城HK$3,806（連稅HK$4,342）起。四千幾全包真係抵呀，跨年出發都有平機票（舉例12月27日去、1月5日回程）！華航有30kg行李，經台北轉機時間唔長，或者拉長轉機時間入境台北又得，堅吸引呀！

Check過系統，平機票涵蓋10月底至12月份底出發，集中11月會較易搵到，另外仲可以中停台北玩多幾日（用多個目的地Search），玩埋真係抵晒。官網較貴，大家可以用官網搵咗有平日子先，再到Ctrip訂。

【出發日期】10-12月
【機票有效期】14日
【訂票日期】4月30日或售完即止

【訂購網址】 www.ctrip.com.hk
【預訂教學】http://flyagain.la/34618

（覺得抵可Whatsapp同LINE Share俾朋友）

夢想之旅！新西蘭南島！華航香港來回基督城$3,806起，可中停台北！10-12月出發

飛日本想平有大把廉航，但講到追求星級質素，又想要有46kg寄艙行李買爆篋，就梗係ANA全日空啦！

佢哋個優惠仲有幾日就完啦，香港來回名古屋或大阪連稅HK$2,685起，原來最平只需加HK$269，即包埋3晚住宿，除返開，都唔駛一百蚊就住到晚，係平時酒店出名貴嘅日本喎，抵呀！

舉例2人同行，大阪4日3夜套票每位最平連稅只係HK$2,987起（以6月29日去、7月2日回程，入住鑽石酒店為例），而名古屋4日3夜每位連稅只需HK$3,078起（以5月9日去、12日回程，入住名古屋榮 LiVEMAX 酒店為例），抵過拆開訂啦！

雖然平就一定唔夠廉航平啦，但都話ANA係 Sell質素㗎嘛，行李有46kg唔怕超重！小小編仲搵咗大阪、名古屋各1間精選酒店俾大家參考：

大阪：難波 LiVEMAX 酒店（https://flyagain.la/im4h），4日3夜全包價每位HK$3,514起，位於大阪難波，處於大阪心臟地帶，夠晒方便。房間同浴室較一般日本平價酒店大；

名古屋：名古屋永安國際酒店（https://flyagain.la/at2m），4日3夜全包價每位HK$3,384起，酒店鄰近丸之內站或伏見站，交通方便，附近有24小時便利店。Hotel Wing係日本連鎖酒店品牌，質素有保證；

4日3夜只屬舉例，日子可長可短，最長可Stay 8日7夜，其他平價套票可上Expedia香港慢慢搵。出發日期由即日起至3月31日、4月3日至4月12日、4月17日至4月27日、5月2日、5月4日至7月6日。

經Expedia買套票有樣好，可以免費Stay Behind：只要搜尋前剔選”我只需要在部分旅程中入住酒店”，再揀埋需要住房嘅日子就掂，其他日子您住邊都得，勁有彈性。最後訂票日期為3月15日，錯過呢次優惠，可能又要等一排先再有ANA優惠㗎啦。

大阪套票訂購網址：www.expedia.com.hk
名古屋套票訂購網址：www.expedia.com.hk

（覺得抵可Whatsapp同LINE Share俾朋友）

抵！大激安ANA套票！大阪/名古屋4日3夜連稅每位$2,987起，包46kg超大行李！7月6日前出發

和歌山玩到夠晒，Aki同Jon Tsui轉攻三重縣（https://youtu.be/9kY-HhT6Ayc）！三重縣位處日本中部的近畿地區，由和歌山自駕嘅話，大約3個鐘車程就得。揸咗咁耐車，Aki同阿Jon就去大祭五臟廟，第一站就品嘗頂級松阪牛。

松阪牛呢個名，唔少人細細個就聽過啦！我哋成日講嘅松阪牛，就係指三重縣松阪市以及其近郊所生產嘅黒毛和牛，同神戶牛、近江牛並稱「日本三大和牛」。喺日本人心中，松阪牛更堪稱為最頂級嘅牛肉，所以嚟到三重，又點可以唔試地道松阪牛呀！

頂級松阪牛鐵板燒 TSU COUNTRY CLUB
Aki同Jon Tsui去咗一間位於哥爾夫球會裡面嘅高級餐廳，之所以咁出名，係因為呢度嘅松阪牛係由全縣最頂級嘅松阪牛專門店「朝日屋」供應。呢度嘅鐵板燒套餐每位 8,800円+ 稅，主菜包括燒松阪牛肉、鮑魚等矜貴美食，更配以前菜、燒野菜、餐湯、蜜瓜。利用鐵板燒過嘅松阪牛口感外脆內軟，肉汁豐富，而且入口即溶，配合埋特配嘅調味料（例如醬料、芥末），更可提升口感，一試難忘。

不過想食都唔係就咁行入去就食到！呢間餐廳嘅松阪牛鐵板燒套餐每日限量供應4席（午、晚市各供應2席，每席2人），大家記得記得最少提前3日預約。

【TSU COUNTRY CLUB】
地址：三重県津市片田長谷町30番地
電話：+81-120-80-3700
網址：http://tsu.co.jp/restaurant/

志摩市安乘  野生河豚料理
河豚喺日本係高檔食材，而志摩市安乘河豚採用野生捕捉嘅方法，所以呢度生產嘅河豚，肉質特別結實且有彈性。Aki同Jon Tsui去到志摩市一間旅館餐廳享用河豚宴。菜式包括：河豚刺身、河豚火鍋、烤河豚、炸河豚，就連河豚睪丸都有得食，您又敢唔敢食呢？最後仲有河豚酒添呀！

三重縣美食滋味遊：頂級松阪牛 安乘野生河豚宴 超Sweet牛奶雪糕

【富久潮】
地址：三重県志摩市阿児町国府3675-1
電話：+81-599-47-3520
網址：http://isesima.net/fukushio/

食完咁多好西，介紹多間超正嘅雪糕店俾大家。呢間雪糕店有超多特色口味，例如：士多啤梨、藍莓、抹茶、伊勢茶、黑芝麻、咖啡、真珠鹽等等，而且雪糕成份有70%係牛奶，所以特別香滑可口。牛奶更係每日新鮮榨取，除咗Gelato雪糕，仲有其他牛奶製品都好正㗎。

【ミルクパレット】
地址：三重県津市一色町241-1
電話：+81-59-246-7521
網址：http://www.milk-palette.jp/