國泰港龍fanfares嚟到第255週啦，記得今朝08:00就開倉！自由揀日子估計為11月9日至12月10日，指定日子估計介乎9月17日至9月23日，今朝08:00去搶喇！

地點　淨機票 ｜連稅價（評語）
【經濟艙】
上海 HK$880起 | HK$1,244起（Delay is more）
台中 HK$880起 | HK$1,266起（可以去馬）
新加坡 HK$1,380起 | HK$1,834起（新航如何？）
釜山 HK$1,680起 | HK$2,095起（這是機會）
福岡 HK$2,280起 | HK$2,605起（平咗㗎嗱？）
三藩市 HK$2,980起 | HK$3,796起（直航極劈）
巴黎 HK$3,980起 | HK$4,806起（值得考慮）

【套票】
布吉 HK$2,350起 | HK$2,797起（有冇咁抵？）

以上只作參考用途，其他稅項及附加費或會有所變動。

網址： www.cathaypacific.com

相關文章：官方親自Share！國泰港龍fanfares至勁搶飛攻略！http://flyagain.la/7434

（覺得抵可Whatsapp同LINE Share俾朋友）

國泰/國泰港龍fanfares，台中釜山三藩市巴黎，今朝8點開搶！

想去西藏旅遊？令人卻步嘅可能係貴到飛起嘅機票，坐火車都唔平㗎（重點係要坐好耐），依家終於有較低成本嘅飛法啦：今次介紹返，坐四川航空由日本東京出發，經成都來回西藏拉薩，淨機票只需HK$1,230（連稅HK$1,714）起。有留意開拉薩機票行情嘅，都知香港飛拉薩貴到成4-5千蚊，呢張飛雖然要由東京起飛，但就算加埋香港來回東京嘅機票，總價大約3千多就搞掂，仲有得順道玩東京！

今次出發日子包10-12月，去程需要揀週日、一、三、五出發，回程就要揀週二、四、六、日，最遠可於12月20日出發、12月26日回程，仲可以揀其中一程免費Stopover中停成都（用多個目的地功能去Search，如下圖），一於食埋麻辣火鍋先走！

溫馨提示：
1.留意來回經成都係需要隔夜轉機，記得考慮埋。
2. 西藏位於高原地帶，需衡量坐飛機身體是否能一下子適應高原環境，出現高山反應與否則因人而異，必需慎重考慮。

【出發日期】10-12月指定日子
【機票有效期】14日
【最後訂票日期】售完即止

【訂購網址】www.expedia.com.hk
【預訂教學】http://flyagain.la/31983

（覺得抵可Whatsapp同LINE Share俾朋友）

平呀！低成本飛拉薩！四川航空東京來回西藏拉薩$1,230起！10-12月指定日子出發

多倫多機票我哋都甚少介紹，因為真係貴得好緊要嘛，平咗都成6千蚊。今次國泰罕見做減價喎：香港直航來回多倫多只需HK$4,650（連稅HK$5,324）起。以直航計減到5千3都可說相當罕見，佢對手加航依家都要6千幾，可能見近排加拿大機票劈得咁緊要，國泰唔同你鬥溫哥華，反而多倫多減價！出發日子去到出年1月底，最遠可揀出年1月31日出發、2月28日回程。不過平飛日子唔多，集中11月會較易搵到，搵唔到就轉日子試試。

今次國泰來回溫哥華連稅要5千蚊，唔算太平，所以唔推介啦，有興趣可以睇睇港航嘅溫哥華優惠：https://flyagain.la/56484。

Check過系統，國泰官網價較貴，去Expedia香港訂每張飛會平HK$200。

【出發日期】10月13日至12月6日、2018年1月19日至1月31日
【機票有效期】1個月
【最後訂票日期】9月14日或售完即止

【訂購網址】www.expedia.com.hk
【預訂教學】https://flyagain.la/31983
【Class Code】Q Class

（覺得抵可Whatsapp同LINE Share俾朋友）

多倫多終於減啦！平坐直航！國泰香港來回多倫多$4,650起，出年1月31日前出發

想平飛倫敦？直航連稅都係5千3咋，抵啦！英國航空有平機票啦：2人同行香港直航來回倫敦每位HK$3,840（連稅HK$5,346）起，直航低過6千都唔算貴啦，今次優惠更只需要5千3，以價論價實在平。英航包23kg寄艙行李，有2個月停留期，比國泰長，適合長玩歐洲！橫跨聖誕都有平，例如可選12月24,26,27日出發、1月7,8,9日返。

小小編更發現有個進階玩法，原來只需要加最少HK$106，就有多兩程英航內陸機，玩多一個英國城市，當中可以Stopover中停倫敦，一次過玩晒英國兩地！

舉例11月15日由香港經倫敦飛蘇格蘭格拉斯哥，11月22日由格拉斯哥飛返倫敦，最後11月29日由倫敦直飛香港，連稅HK$5,452起（如下圖），另外仲有其他英國城市選擇，例如紐卡素HK$5,573起、曼徹斯特 HK$5,594起，有興趣可以去Expedia香港，用多個目的地功能Search。

【出發日期】10月6日至12月10日、12月24日至12月31日、2018年1月11日至2月6日、2月21日至3月20日、4月16日至5月31日
【機票有效期】2個月
【最後訂票日期】9月25日或售完即止

【訂購網址】www.expedia.com.hk
【預訂教學】http://flyagain.la/31983

（覺得抵可Whatsapp同LINE Share俾朋友）

嘩！激正玩法，英國雙城遊！英航香港直航來回倫敦$3,840起！加$106玩多個英國城市！出年5月31日前出發

留意留意，跨年同復活節飛曼谷有筍盤！仲係坐優質嘅泰國航空，有早去晚返靚時間！坐泰航2人同行香港來回曼谷每位HK$1,450（連稅HK$1,897）起，呢口價以平日出發就唔算爆平，不過，連公眾假期都有得減！例如跨年期揀12月31日出發、出年1月2/3/4日回程有平，想去曼谷倒數迎新年啱晒！另外，復活節可揀出年3月27日出發、4月2日回程，打工仔請3日假就可以放7日！

航班時間冇限制，視乎平機位嘅供應有機會揀早去晚返靚時間添！加HK$210，即HK$2,107起仲可以聖誕節正日出發，真係夠晒正！

Check過系統，平飛都易搵，但記住人數要揀2人或以上先有優惠，官網較貴，建議可上Expedia訂。

【出發日期】即日起至12月20日、12月26日至2018年2月13日、2月19日至3月27日
【機票有效期】1個月
【最後訂票日期】9月30日或售完即止

【訂購網址】www.expedia.com.hk
【預訂教學】https://flyagain.la/31983

（覺得抵可Whatsapp同LINE Share俾朋友）

正呀！曼谷跨年靚盤！泰國航空香港來回曼谷$1,450起！出年3月27日前出發

「訂購更多、優惠更多」？？好耐無見嘅優惠呀！

今晚（9月12日0:00）HK Express玩呢個，即係1個人打9折、2個人8折、3個人7折、4人或以上6折。以6折後來回連稅每位計：台中/花蓮HK$784起、峴港HK$875起、清萊/清邁/布吉HK$924起、塞班HK$967起、芽莊HK$977起、石垣島HK$973起、濟州/釜山HK$1,138起、暹粒HK$1,173起、首爾HK$1,175起、廣島/高松/鹿兒島HK$1,213起、東京HK$1,234起、福岡HK$1,285起、名古屋HK$1,405起、大阪HK$1,443起。呢個玩法嘅優惠只係一般般，而且仲貴過平時週末的5折優惠，不過旅行日期就去到出年7月，無咁多旅伴一齊去嘅，可以等下一次優惠。如果買咗U-fly pass優先購票證又想買飛嘅，可以依家上去買啦！

【出發日期】9月13日至2018年7月14日（旺季除外）
【訂票日期】9月12日至9月15日
【寄艙行李費用】
全部航點劃一收費20kg $260、25kg $360、30kg $365

【訂購網址】：booking.hkexpress.com
【預訂教學】：http://flyagain.la/33992
【必睇！香港快運訂票10大Q&A】：http://flyagain.la/9895
【Reward-U全攻略】：http://flyagain.la/38928

（覺得抵可Whatsapp同LINE Share俾朋友）

愈多人愈平：4人同行6折！HK Express單程台中/東南亞$193、日韓$359起，2018年7月14日前出發

去旅行住宿點可以馬虎？如果對住宿有番咁上下講究嘅，今次有筍嘢推介呀！EGL Tours東瀛遊推出咗「住好d系列」旅行團，行程會嚴選高檔星級酒店，例如「香格里拉」或「喜來登」等國際5星品牌酒店，或者擁有私人泳池嘅Villa，或者尊貴級嘅「水中高腳屋」，等您可以有個超難忘嘅住宿體驗！目的地有泰國、台灣、馬來西亞、新加坡、韓國、印尼等，好似以下呢兩個Tour真係勁正：

【曼谷4天低調奢華5星級】
連續3晚入住 2017年全新開幕曼谷5星級酒店PARK HYATT BANGKOK（房間約480平方呎），被喻為係本年度最令人期待嘅曼谷新酒店之一！Park Hyatt係凱悅酒店集團中最高級嘅品牌，酒店位於名店林立嘅Central Embassy百貨公司之上，外觀型格，大堂富麗堂皇，別具氣派。酒店9樓更設有一個「無邊際泳池」，鍾意住新酒店，又鍾意游水就必需留意啦！全程只搬一次酒店，俾更多時間你去盡情享受酒店設施。

除咗享受酒店之外，仲會暢遊兩大曼谷地道市集：Asiatique河畔夜市及「飛機文創市集」！仲細心安排120分鐘香薰Spa按摩，啱哂識歎嘅您！

【曼谷、芭堤雅5天 Hea ‧ 歎 ‧ Relax】
連續2晚入住芭堤雅獨立泳池別墅 Sea Two Pool Villa Resort，每戶獨立設計，有私人花園同泳池，可以靜靜哋歎世界！另外2晚亦安排入住曼谷5星級酒店。行程方面包括：暢玩綿羊牧場（包門票）、冰雪王國 Frost Magical Ice of Siam（包門票、禦寒外套及Ice Bar汽水一杯）。每日都會有半日自由活動時間比您享受酒店設施，同仲有一天全日自由活動時間添呀！

EGL Tours仲有好多「住好d系列」俾大家慢慢揀，想了解更多，可Click入呢個網址睇：https://flyagain.la/xft4。報名可以透過網上預訂、電話報名，或者去到EGL Tours東瀛遊各分行預訂都得㗎。

（覺得抵可Whatsapp同LINE Share俾朋友）

住好啲！輕奢華體驗！住私家泳池Villa+5星酒店！曼谷、芭堤雅5天只需$3,689起

正呀！飛倫敦4千2咋！終於有個平靚正嘅選擇啦，就係中華航空！佢哋將會喺12月1日起開航台北至倫敦格域(Gatwick)新航線，會用A350飛航，機齡新又夠舒適！依家香港出發有優惠：香港經台北來回倫敦格域HK$3,033（連稅HK$4,182）起，倫敦出名離境稅勁貴，呢個價都算幾平，有時坐中東三寶有優惠都近5千啦！出發日子由12月至出年6月，而且坐得華航最正就係可以中停台北（補少少機場稅就得），滿足您兩個願望！

優惠仲可以Openjaw，華航歐洲仲有阿姆斯特丹、羅馬同法蘭克福3個航點，舉例倫敦入、法蘭克蘭走亦只需HK$4,079起，加埋中停台北嘅話，即係一票玩盡三地呀！

因為台北飛倫敦去程係早機出發，所以要提早一晚飛台北，要喺台北隔夜轉機，想入境快閃就要準備入台證啦。所以如果想中停台北，建議可以去程中停，先玩台北再玩歐洲，訂購方法如下：
1. 首先就咁搵咗香港來回倫敦有平日子先，例如出年3月6日出發、14日返
2. 抄底呢個日子，再用多個目的地分三段去Search，A.3月4日香港-台北、B. 3月7日台北-倫敦、C.3月14日倫敦-香港，連稅HK$4,419起。
提提大家：台北<->倫敦去程及回程逢週一、三、五、六有航班。

【出發日期】12月26日至2018年6月29日（旺季除外）
【機票有效期】1個月
【最後訂票日期】9月30日或售完即止

【優惠詳情】www.zuji.com.hk
【預訂教學】http://flyagain.la/34794

（覺得抵可Whatsapp同LINE Share俾朋友）

抵呀！4千2平飛倫敦，可玩埋台北！華航香港來回倫敦$3,033起！出年6月29日前出發