X
想帶埋小朋友一齊住下酒店度假，又有機會喇！
旺角朗豪坊旁的康得思酒店，推出「親子住宿優惠」！每房每晚（最多可住最多兩大一細）只係HK$1,500（連稅HKD$1,650），就包哂以下咁多嘢：
－免費升級至高級豪華客房
－The Place豐富早餐
－Alibi – Wine Dine Be Social 3道菜午市商務套餐
－迎賓果盤
－提早至中午12點check in 及 延遲至下晝4點check out
－酒店餐廳及酒吧7折優惠
－「川」水療中心8折優惠（只限一小時或以上的常規療程）
今次優惠期特長，連暑假同聖誕都一樣有平呀！平時就咁book一間高級豪華客房，連加一已經差唔多千三蚊晚，而家千六包埋酒店早午餐，真係勁正啊！想一家大細度下假真係可以諗諗！
【入住日期】即日起至12月30日
【訂購網址】https://www.cordishotels.com
（覺得抵可Whatsapp同LINE Share俾朋友）
【酒店】親子住宿優惠！香港康得思酒店每房每晚$1,500起，免費升級兼包早午餐！12月30日前入住
正呀喂！尖沙咀美麗華酒店推出「味歷住宿之旅」嘅優惠又再度延長喇，錯過咗之前嘅優惠惠嘅，可以睇睇呀！
今次佢哋同樣提供三個唔同嘅選擇：
1. 以每晚HK$1,388起入住城景客房 (最多可供2人入住) ，入住期間專享HK$800酒店消費額*
2. 以每晚HK$1,488起 入住城景客房 (最多可供2人入住) *， 入住期間專享為您淋漓演繹日法烹調概念的米芝蓮推介食府WHISK 專享二人晚餐*
3. 以每晚HK$1,488起 入住城景客房 (最多可供2人入住) ，入住期間於傳統粵菜餐米芝蓮推介食府廳國金軒專享二人晚餐
咁以最平嘅做例子，兩人入住每位都係HK$694起，連服務費HK$763起，呢口價包住一晚兼可延遲退房到下晝4點，仲有HK$800酒店消額，可以喺酒店內嘅餐飲以及MiraSpa內的消費；不過想食好西，小編就會推薦米芝連嘅餐廳，平時就咁行入去食都要幾百蚊啦，依家仲要兩個人都食到，真係唔錯㗎！
提提大家，如果你係Marriott會員仲可賺取Marriott Bonvoy™積分，跑分嘅朋友可以留意番！
【入住日期】即日起至7月31日
【訂購網址】https://www.themirahotel.com/
（覺得抵可Whatsapp同LINE Share俾朋友）
【酒店】又延長咗喇！尖沙咀美麗華酒店Foodie Haven Staycation$1,388起，包$800酒店消費額！7月31日前入住
自助餐繼續有平呀！
北角的城市花園酒店餐廳綠茵閣「任點任食」自助餐優惠，逢星期四至日，以及公眾假期及其前夕適用，仲唔收加一！詳細價錢如下：
自助午餐 上午11點半至下午3點半（90分鐘用餐時間）
成人 HKD$275
長者（60歲或以上） HKD$225
小童 HKD$185
自助晚餐 晚上6點至9點半（105分鐘用餐時間）
成人 HKD$388
小童 HKD$288
呢個價錢周末同假期食到buffet，真係諗得過呀！
雖然抵食，但食物選擇多，絕冇欺場呀！各種新鮮海鮮、燒肉眼扒、各種壽司刺身、德國豬手、Movenpick雪糕等都有，而晚市更加碼提供片皮鴨、羊架同蒸海鮮㖭！
只要加多HKD$88（另收加一），就可以享用指定紅酒／白酒一支，或者加HKD$20（另收加一）享用紅酒／白酒一杯！
如果你揸車，午市只要惠顧滿HK$500就可以2個鐘免費泊車，晚餐就HK$800有3個鐘免費泊車。
想食返餐好，不妨考慮下～
【訂位網址】https://dining.citygarden.com.hk
【適用日期】即日起至6月30日（逢星期四至日、公眾假期及其前夕）
【自助餐】吃喝無限點！仲免加一！北角城市花園酒店自助餐每位$275起！6月30日前適用
近日疫情緩和，酒店們除咗住宿有優惠之外，自助餐都唔少有平！
位於將軍澳的九龍東皇冠假日酒店餐廳尚廚6月1日起重開，即刻做返個優惠大酬賓，最高有成6折呀！詳細價錢如下（已包加一服務費）：
自助午餐（星期一至五）
成人 HKD$208.6
長者（60歲或以上） HKD$173.6
小童 HKD$138.6
自助晚餐（星期一至五）
成人 HKD$355.6
長者（60歲或以上） HKD$285.6
小童 HKD$215.6
自助晚餐（星期六及日）
成人 HKD$383.6
長者（60歲或以上） HKD$313.6
小童 已售罄
連加一三百幾就可以食自助晚餐，認真唔錯呀！
而家尚廚以「豪嘆龍蝦鮑魚」作為自助晚餐主題，龍蝦、青口、松葉蟹腳、蜆、刺身等都有，周末更加提供帶子、天使粉紅蝦同埋即煎鵝肝！而午餐比較多熱食，如燒羊脾、日式鐵板燒、燒香草澳洲安格斯黑牌牛腿肉等。但酒店表示由於疫情關係就唔提供即開生蠔，以龍蝦代替。
另外酒店亦規定出去攞嘢食必須佩戴口罩，同埋餐廳人數會比以往少一半，咁就放心啲喇！
不過今次優惠只做到6月11日，所以周末座位已經十分緊張！想食就要快啲訂位喇！
【訂位網址】https://www.buys.hk/
【適用日期】2020年6月1至11日（預訂至6月10日）
【自助餐】重開優惠6折起！九龍東皇冠假日酒店自助餐每位連加一$208.6起！6月11日前適用
「香港國安法」勢在必行，加上唔少傳媒傳出BNO或有機會平權，再次掀起續領BNO熱潮，今次小編就講下有咩步驟啦！
申請之前，大家可以先睇睇申請須知，了解一下需要啲咩先！記得網上申請需要信用卡俾錢！
申請資格：1997年6月30日或以前曾經申請者（1997年1月1日至6月30日出生為1997年9月30日或之前申請）或 父母BNO中孩子（Children／Enfants／Included child）一欄有自己的名字（須於1997年6月30日或之前出生）。不接受新申請。
步驟
1）確保自己符合資格後，到官網開始申請
2）然後佢就會問你係唔係住喺英國，請揀NO，再揀Hong Kong
3）輸入出生日期
4）有冇曾經擁有英國護照（含BNO）？揀「YES」*
5）本passport有冇唔見咗或者被盜，有就「YES」（需於官網上進行報失程序，在網上系統中填寫 LS01 表格，以及被盜要到警署報失／唔見咗要領取報失紙），冇就「NO」
6）輸入舊BNO的簽發日期，並揀「UKPA, UKPS, IPS or HMPO」繼續
7）你的舊BNO有冇損壞？（如濕水、甩墨、封面甩咗等，詳細見下圖）有就「YES」（需簡單描述），冇就「NO」
8）你有冇其他國家護照？（香港特區護照都計外國護照，相信大部分人都係YES）
9）你的舊BNO寫你係咩國籍？揀「British National Overseas」
10）鑑於疫情影響，佢會問你考唔考慮遲啲先續期，大家可以自行評估需要
11）繼續之後就會到呢個頁面，撳「continue」
12）揀「I’ll take or upload a digital photo」
13）然後就會進入頁面，講解相片要求，為咗方便，都建議大家直接去影相舖影，就唔怕唔合要求啦～
14）Upload你張證件相（要係彩色、jpg或jpeg檔案、檔案大於50KB但小於10MB）
15）Upload完相，系統會幫你睇幅相符唔符合要求，如有問題會直接指出
16）幅相OK之後，申請人就會需要填寫護照及個人資料，如護照number、性別、出生地點等。系統亦會詢問申請人有冇改過名
17）填寫家人資料（部分人或不用）
18）填寫email address及電話號碼（請確保資料準確，以便收官方通知！）
19）完成後就揀新BNO頁數（連運費：34頁£105.86，約HKD$1,001；50頁£115.86，約HKD$1,095）
20）系統會提醒你於收到新BNO後用黑色原子筆簽名，揀「I understand」
21）然後佢會問你申請護照俾邊個，揀「ME」
22）重新核對資料（請確保資料無誤！）
23）進入付款頁面，請使用你的信用卡付款
24）完成後可以睇睇email/SMS通知，HMPO的email中會有登入網頁及reference number (PEX字頭)
25）到郵局或快遞寄以下文件到英國（需於網上提交申請後90日內，否則申請會被取消及不得退款！）：
－舊BNO正本、
－香港身份證彩色影印本（兩面都要）、
－整本外國護照的彩色影印（含封面封底）、
－地址證明（如選民確認信、投票通知書、教育機構發出的信件等，因曾有人提供銀行信而不被接納，所以小編建議政府相關信件會比較穩陣）
－副署表格（included child、長時間未續領者）
－出生紙正本，含父母資料（included child）
－父母結婚證書彩色影印雙面副本（included child）
－父母出生紙彩色影印雙面副本，含祖父母資料（included child）
*注意！如97年前冇申請過，但父母BNO有落你名，第4步要揀「NO」，然後進入以下頁面（部分太耐冇續期的都會到此頁），請填「NO」
然後就會進入以上的第8步，系統其後會再詢問你的出生地，揀「HONG KONG」繼續，就會去到以上的第10步了～
如你係因為父母BNO中孩子（Children／Enfants）一欄有自己的名字，而97年前從未申請，你就需要準備以下的額外文件：
－自己出世紙正本
－父母出世紙雙面彩色影印副本、
－父母結婚證明書雙面彩色影印副本、
－副署表格、
－在「included child」欄上填寫子女名字的舊BNO護照正本
點樣先需要副署？
其實喺填寫聲明書時，系統就會顯示你需唔需要副簽。以下人士多會需要：
－舊BNO被盜或唔見咗、
－樣貌同舊BNO有好大變化、
－個人資料有重大改變（如改名）、
－長時間冇續期、
－included child
副署人要求
－年滿18歲
－持有英國或歐盟護照
－同申請人認識2年或以上
－為官方接受的專業人士，如醫生、會計師、記者、老師等
－不可為申請人的家庭成員
－不可與申請人居於同一地址
【BNO】一文睇哂！續領BNO攻略！有咩需要注意？
住酒店可能未必個個可以，但食buffet應該個個都想試啦！
位於旺角的Stanford Hotel有自助餐優惠，最高可以享有65折優惠，醫護更加係半價㖭！詳細價錢如下（已包加一服務費）：
下午5點半至6點入座 – 65折
星期一至五，每位HKD$253.5
星期六、日及公眾假期，每位HKD$276
下午6點至8點入座 – 75折
星期一至五，每位HKD$287.3
星期六、日及公眾假期，每位HKD$312.8
下午8點之後入座 – 7折
星期一至五，每位HKD$270.4
星期六、日及公眾假期，每位HKD$294.4
同時酒店亦有感謝醫護的優惠，凡出示有效，而屬於用餐者的醫院管理局職員證，即享半價，最多仲可以帶3位親友享用此優惠！留意優惠只適用於預訂服務，名額每日只有12位！折後連加一價錢：
星期一至五，每位HKD$202.8
星期六、日及公眾假期，每位HKD$220.8
呢口價真係同平時出去食放題差唔多，但食物選擇就真係多好多啦！美國法國生蠔、刺身、羊扒、肉眼扒、焗田螺、酥皮海鮮湯、海南雞、芝士蛋糕等通通任食唔嬲，超豐富！！！寫到小編都流哂口水呀！
自助餐仲可以自選2個鐘嚟食，自由度高，冇限死時段，咁就約fd夾時間都易啲啦！
擔心食自助餐有風險？唔使驚！Stanford Café因應疫情，將自助餐改為採用點餐模式，令客人可以安坐座位等候美食，咁就唔使怕食物區域有人群聚集，可以放心刷返餐！另外餐廳同廚房都用Rentokil納米銀光觸媒除甲醛空氣淨化及防護塗層服務消毒，殺菌抗菌！
忍咗咁耐，不如約下fd出嚟食返餐勁啦！
【優惠詳情】www.stanfordhotels.com.hk
【預訂電話】2710 4272 / 2710 4273
【適用日期】2020年6月5至30日（6月20及21日除外）
【自助餐】放題價食buffet！Stanford Café無限任點任食自助晚餐每位連加一$253.5起！6月30日前適用
位於尖東的香港海景嘉福洲際酒店，推出「夏日美食住宿之旅」優惠！
今次優惠非常抵玩！每房每晚只係HK$1,388（連稅HKD$1,526.8），就包哂以下咁多嘢：
－一晚尊尚城市客房*
－雙人早餐
－海景軒（餐單）或 Theo Mistral by Theo Randall（餐單）的二人晚餐套餐
（配餐酒+HKD$300加一：海景軒餐單／Theo Mistral by Theo Randall餐單）
－提早至中午12點check in 及 延遲至下晝3點check out
－泊車服務
－迎賓禮包
－可加第三位客人，費用為HKD$650加一（包加床及早晚餐）
*5月31日前預訂及入住可免費升級至尊尚海景客房；6月30日前預訂，6月入住可免費升級至尊尚半海景客房）
平時就咁book一間尊尚半海景客房，已經超過一千蚊加一一晚，而尊尚半海景客房就更貴，而家計落只係4百幾蚊就包埋酒店早晚餐，認真抵玩呀！
【入住日期】即日起至6月30日
【訂購網址】https://eshop.icgrandstanford.com
（覺得抵可Whatsapp同LINE Share俾朋友）
【酒店】極抵住！香港海景嘉福洲際酒店每房每晚$1,388起，免費升級兼包早晚餐！6月30日前入住
想大細一齊玩返下？不如睇睇香港喜來登酒店呢個package啦！
香港喜來登而家有個Fam-Tastic Getaway優惠，兩大一細（11歲或以下）包早餐，每晚每房最平只係HK$1,162（連稅HK$1,279）起，部分房間更可飽覽迷人的維港景色！入住時仲送上迎賓禮物包，同埋城市嚮導指南，咁就可以一家大細跟住指南認識香港更多啦！唔想出去周圍走，呢個package仲包好多親子活動優惠，包括：
Donut Playhouse主題遊戲館入場 85折；
Harry’s Kitchen cooking class 85折；
K11自然博物館及自然導賞之旅 85折；
Donut Cafe/Donut House購買任何2件或以上正價貨品 8折；
Build-A-Bear Workshop購買任何貨品 85折！
如果book第二間房（淨房，不含其他優惠）仲有8折優惠，勁筍！不過小編睇過日期越後價錢越貴，去到8月尾已經比最平價貴5舊水，9月打後就更貴，所以都建議大家訂8月31日或之前，就會最抵玩啦！咁抵玩，不妨book返間享受下家庭樂，留下美好嘅回憶啦～
【入住日期】即日起至12月31日
【訂購網址】https://www.marriott.com/reservation/
（覺得抵可Whatsapp同LINE Share俾朋友）
【酒店】親子之選！香港喜來登酒店兩大一小包早餐只需$1,162起，訂第二間房8折！12月31日前入住
X