X
Megasale過後，嚟到星期五，HK Express繼續有「出走星期五」優惠，今次仲連發兩砲添！香港飛日本石垣島或台灣花蓮單程HK$95起，來回連稅：石垣島HK$445起、花蓮HK$575起。價錢比Megasale都係貴幾十咋！不過平飛量認真係唔多，但可以用月曆功能快手搵到平飛，大家睇下心水日子有冇平啦！提提大家，此價只包7kg手提行李，不包行李寄艙費用及飛機餐。
【出發日期】1月23日至7月13日（旺季除外）
【訂票日期】1月20日
【寄艙行李費用】全部航點劃一收費20kg $229、25kg $360、30kg $365
【訂購網址】：booking.hkexpress.com
【預訂教學】：http://flyagain.la/33992
【必睇！香港快運訂票10大Q&A】：http://flyagain.la/9895
（覺得抵可用Whatsapp同LINE Share俾朋友架）
單程$95！再搶過！HK Express單程飛石垣島或花蓮$95起，7月13日前出發，只限今天
好嘢！終於等到新航減價啦！今次優惠仲好抵下：香港來回新加坡HK$945（連稅HK$1,409）起。呢口價平過國泰唔少，價錢已包行李寄艙+飛機餐+機上娛樂，其實同廉航比，加埋晒啲嘢都唔差得幾多咋，仲可揀坐A380航班（去程SQ863、回程SQ860航班，視乎供應）！未試過新航嘅星級服務質素嘅真係要試吓喇。留意呢張飛停留限期係5日（即係6日5夜），有興趣即到Hutchgo搶訂。
【出發日期】2月3日至4月11日、4月17日至4月30日
【機票有效期】5日
【最後訂票日期】1月22日或售完即止
【訂購網址】www.hutchgo.com.hk
【預訂教學】http://flyagain.la/33982
（覺得抵可用Whatsapp同LINE Share俾朋友架）
大減價！歎星級航空！新加坡航空香港來回新加坡$945起，包行李+飛機餐！4月30日前出發
飛曼谷各家傳統航空嚟講，皇家約旦航空今次又幾平喎！香港來回曼谷淨機票HK$665（連稅HK$1,221）起，千二鬆啲係繼港航之後第二平啦，不過港航嘅航班時間係凌晨機，皇家約旦就夜機去，比較起上嚟都好少少嘅，而票價已包30kg寄艙行李，瘋狂掃貨唔驚超重。
皇家約旦航空大家可能少聽，佢係一家以約旦安曼為基地嘅航空公司，亦係寰宇一家成員之一，都有名氣㗎！而且佢哋用787夢幻客機飛呢條線，勝在夠新。皇家約旦航空逢週二／四／六／日有航班，而呢口價限星期日出發先有，如果想其他日子去就加HK$50，覺得啱就到Hutchgo出票。
【出發日期】2月5日至4月2日、4月16日至4月23日、4月30日至6月29日
【機票有效期】7日
【最後訂票日期】2月15日或售完即止
【訂購網址】www.hutchgo.com.hk
【預訂教學】http://flyagain.la/33982
（覺得抵可用Whatsapp同LINE Share俾朋友架）
抵價飛曼谷！搭夢幻787！皇家約旦航空香港來回曼谷$665起，包30kg行李！2017年6月29日前出發
飛美國好少人會睇加拿大航空，不過今次推出勁劈至連稅3千幾，真係不得不報，兼有買襯手！香港經加拿大來回美國各地HK$2,760（連稅HK$3,528）起，包括洛杉磯、西雅圖、聖荷西、波特蘭、三藩市都係均一價，連復活節都有優惠，超平。呢張飛有3個月有效期，平時通常都係得1個月㗎咋。
但留意根據目的地而定有需要隔夜轉機，就當入境加拿大快閃（呢張飛係唔可以中停加拿大）！而且可Openjaw不同城市往返，用多個目的地Search就得啦。
【出發日期】2月4日至4月30日
【機票有效期】3個月
【最後訂票日期】2月28日或售完即止
【訂購網址】www.expedia.com.hk
【預訂教學】http://flyagain.la/31983
【Class Code】K class
（覺得抵可用Whatsapp同LINE Share俾朋友架）
勁劈！復活節有！加航來回洛杉磯/西雅圖/三藩市等地$2,760起，4月30日前出發
澳門粉絲留意喇！虎航正式公布澳門至台中將於3月29日開航，而聽日（1月20日）上晝10點仲會有開航優惠：澳門出發單程飛台中連手續費約HK$316起，來回連稅加埋手續費約HK$613起，價錢就相當吸引，時間都算唔錯，午機去午機番！出發日期去到10月，但按經驗旺季多數無平！有興趣就星期五去官網搶飛喇！
行李寄艙費用（每程計）：
15kg – HK$99、20kg – HK$115、25kg – HK$130
【出發日期】3月29日至10月28日（旺季除外）
【機票有效期】不限
【訂票日期】1月20日10:00至1月22日23:59或售完即止
【訂購網址】www.tigerair.com
【預訂教學】http://flyagain.la/34413
（覺得抵可用Whatsapp同LINE Share俾朋友架）
澳門出發！台中開航首賣！虎航澳門飛台中單程連稅$316起！10月28日前出發
相隔一排，澳洲航空終於再推新一輪優惠，出親都勁抵！香港來回澳洲四大城市HK$3,575起，連稅計：墨爾本HK$4,497起、布里斯班HK$4,548起、悉尼HK$4,572起、阿德萊德HK$4,783起。墨爾本、布里斯班同悉尼更係直航往返，正呀！價錢全線都係4千幾蚊，好抵，都真係唔駛點考慮！
今次優惠出發日子由2月到10月，連8月暑假出發都有，帶小朋友去澳洲玩就最正！呢口價包30kg行李寄艙，機票有效期1個月，相當實用。有興趣就到Hutchgo訂票。
【出發日期】2月13日至6月30日、8月7日至10月31日
【機票有效期】1個月
【最後訂票日期】2月28日或售完即止
【訂購網址】www.hutchgo.com.hk
【預訂教學】http://flyagain.la/33982
（覺得抵可用Whatsapp同LINE Share俾朋友架）
爆平！暑假有！澳航必殺盤：香港來回悉尼/布里斯班/墨爾本/阿德萊德$3,575起！10月31日前出發
台北真係快閃旅遊嘅首選，去極都唔厭，依家港航又有優惠套票，真係逼大家又飛啫！台北【4大Best Buy酒店】套票，3日2夜包括來回港航台北機票及2晚入住西門享樂文旅(開封館)高級雙人房連早餐，2人同行每位只需HK$1,122（連稅HK$1,555）起。呢間酒店步行至交通樞紐台北車站只需約7分鐘，又包早餐，性價比極高。出發日期由1月22日至6月29日。
仲有另一間人氣酒店推介，入住「西門俞美精品飯店」（Hotel B6），3日2夜包括來回港航台北機票加2晚住宿連早餐，2人同行每位只需HK$1,215（連稅HK$1,648）起。限2月2日至27日出發，以咁Last Minute出發都幾抵，情人節出發都有，啱晒同honey 2人世界Sweet Sweet啦。呢間酒店亦係台北4大Best Buy酒店之一，鄰近捷運西門站，每房可享迎賓維格糕點及下午茶點（每房最多只限2位享用），仲額外包埋Wi-Fi蛋架，想知間酒店係點？之前我哋又飛啦TV都實地拍過，可以睇睇：https://youtu.be/gEzeFUDN8BI；
套票唔一定3日2夜，日子可長可短，或揀唔同酒店，亦可加錢轉坐其他航空公司，相當彈性。如果訂購1月27日至2月28日出發嘅套票，用永安旅遊APP有新春爆賞優惠碼更享額外優惠，輸入套票折扣碼「GP288」，每訂單消費滿HK$1,000（未連稅計）即減HK$88，滿HK$2,000減HK$188，滿HK$3,000減HK$288。優惠至1月27日止。
（覺得抵可用Whatsapp同LINE Share俾朋友架）
情人節，甜蜜蜜！台北港航3天套票每位$1,122起，爆賞優惠碼2人同行最高減$288！
歐洲平機票咁多，如果想坐飛機接駁歐洲各地？西班牙著名廉航Vueling（伏林航空）推出歐洲內陸線限時割價：單程連稅€9.99起，折合約HK$82起，來往歐洲各主要城市都有，舉例由巴塞隆拿飛倫敦、倫敦飛巴黎等都有平價，另外其他航點亦由二十歐起，包括：巴塞隆拿、倫敦、馬德里、米蘭、阿姆斯特丹、威尼斯等，如早前計劃飛歐洲，想玩多點或者要接駁Open Jaw（不同城市往返）機票，就留意啦。
部分特價航點如下（單程連稅）：
巴塞隆拿－伯明翰 €9.99
巴塞隆拿－曼徹斯特 €9.99
巴塞隆拿－倫敦 €9.99
里斯本－巴黎 €19.99
馬拉加－伯明翰 €19.99
阿姆斯特丹－倫敦 €24.99
漢堡－巴塞隆拿 €24.99
米蘭－阿姆斯特丹 €24.99
米蘭－巴黎 €24.99
倫敦－巴黎 €29.99
巴塞隆拿－巴黎 €29.99
馬德里－巴黎 €29.99
巴塞隆拿－慕尼黑 €34.99
巴塞隆拿－都柏林 €34.99
巴塞隆拿－威尼斯 €39.99
航點眾多，只列部分，其餘航線可到官網搵搵有冇平價機票。以上各價不包飛機餐及行李寄艙（如需行李寄艙，可選Optima票價，包選位及1件23kg行李寄艙配額）。
【出發日期】1月30日至3月29日
【機票有效期】不限
【最後訂票日期】1月20日香港時間6am
【訂購網址】www.vueling.com
【相關文章】沒有搭過Vueling航空？可以參考我們的乘搭報告：http://flyagain.la/vuel
（覺得抵可用Whatsapp同LINE Share俾朋友架）
80蚊搭飛機！Vueling歐洲內陸線狂減：單程連稅€9.99/約$82起，接駁Openjaw必睇！3月30日前出發
X