嘩！估佢唔到，連暑假旺季都有曼谷平機票喎！

斯里蘭卡航空推出暑假旺季優惠：香港來回曼谷只需HK$950（連稅HK$1,391）起。

千四蚊有找，旺季出發，仲係相當熱門嘅泰國，一睇就知熱辣辣熱辣熱辣辣，好抵好抵啦！票價包30kg行李同飛機餐，唔駛再俾一筆，連港航同Airasia都唔夠佢平！

暫見7-8月好多日子都有呢口價，但每個日子淨低嘅平飛數量應該唔多，要買襯手，可參考以下日子去Search，官網貴百幾蚊，有興趣可到Hutchgo出票。

提提大家：斯里蘭卡航空逢星期一、四、六有航班。

【有平日子參考】
去程：7月20,27,29,31日、8月3,5,7,10,12,17,21,24,26日
回程：7月24,27,29,31日、8月3,5,7,10,12,14,17,19,21,24,26,28,31日

【出發日期】7至8月指定日子
【機票有效期】7日
【最後訂票日期】3月31日或售完即止

【訂購網址】www.hutchgo.com.hk
【預訂教學】http://flyagain.la/33982

（覺得抵可Whatsapp同LINE Share俾朋友）

暑假泰抵價！仲包30kg行李！斯里蘭卡航空來回曼谷$950起，7-8月出發

芬蘭航空歐洲優惠又延長啦，但芬航至抵玩就當然係「港歐新」組合啦！一次過玩齊歐洲+新加坡，都係4千蚊咋！

呢個平價組合係由香港出發，經赫爾辛基來回歐洲各地，返港後再搭多程國泰飛新加坡，合共5程機連稅都只係HK$4,111起，呢口價去歐洲都算平啦，變相係送埋您飛新加坡咁玩法。加上坐芬航可以免費停留赫爾辛基兼玩（補少少機場稅就得），變相玩晒北歐兩個地方，超正！

如上圖例子，以來回斯德哥爾摩為例，返港後同日飛新加坡只需HK$4,111，如果想隔日再飛，就加HK$120機場稅，咁大家返港後就可以抖抖先。

歐洲目的地另可選：蘇黎世HK$4,190起、布魯塞爾HK$4,317起、馬德里HK$4,339起、阿姆斯特丹HK$4,371起、米蘭HK$4,470起、赫爾辛基HK$4,533起（直航）、巴黎HK$4,605起、倫敦HK$4,703起。如果想隔一段時間再飛新加坡都得，都只需加HK$310，即可喺香港停留，變相拆成兩個Trip（整套飛1個月內完成）！

呢套飛仲可以喺轉機點赫爾辛基停留最長5日，變相玩多一個地方。舉例10月3日香港直飛赫爾辛基，10月7日由赫爾辛基飛斯德哥爾摩、10月17日由斯德哥爾摩返港、10月18日再飛新加坡，連稅HK$4,148起。（如下圖）

【出發日期】5月4日至5月23日、6月5日至6月23日、9月5日至12月13日
【機票有效期】1個月
【最後出票日期】3月24日或售完即止

【訂購網址】www.expedia.com.hk（記得用多個目的地Search）
【預訂教學】https://flyagain.la/31983

（覺得抵可Whatsapp同LINE Share俾朋友）

抵價勁玩！港歐新優惠：芬蘭航空飛歐洲+國泰單程新加坡，連稅$4,111起，12月13日前出發

近排韓國優惠都唔少，濟州航空都嚟啦！

聽日（3月7日）9am起開賣：香港飛首爾單程HK$450起、澳門出發 MOP$400起，來回連稅計：澳門出發MOP$1,261起、香港出發HK$1,351起！

雖然價錢唔錯，但係唔包15KG寄艙行李，想要寄艙行李要揀番單程HK$550嘅折扣機票。而且今次優惠只限會員尊享，想訂就記得登記啦。

【出發日期】5月1日至6月30日（旺季除外）
【機票有效期】不限
【訂票日期】3月7日9am至3月13日4pm或售完即止

【香港航班時間】
去程： 7C2108 01:25-05:55、7C2102 13:55-18:25
回程： 7C2101 09:55-12:55、7C2107 21:25-00:25+1

【澳門航班時間】
去程： 7C2002 14:50-19:20
回程： 7C2001 11:00-13:50

【訂購網址】www.jejuair.net
【預訂教學】https://flyagain.la/35305

（覺得抵可Whatsapp同LINE Share俾朋友）

正！首爾平飛！濟州航空香港/澳門飛首爾單程$400起，6月30日前出發

又到星期一嘅例牌環節：HK Express今晚（3月7日0:00）起有新優惠，價錢真係夠哂「正」啦！

香港出發往23個航點單程HK$208起，來回連稅：台中/花蓮HK$801起、峴港HK$893起、布吉/清邁/清萊HK$942起、石垣島HK$991起、芽莊HK$995起、釜山/濟州HK$1,156起、暹粒HK$1,191起、首爾HK$1,193起、仰光HK$1,208起、廣島/鹿兒島/高松HK$1,231起、福岡HK$1,303起、塞班島HK$1,368起、名古屋HK$1,423起、東京HK$1,429起、關島HK$1,434起、大阪HK$1,461起。

價錢就一般，講得衰啲同冇平過有咩分別呢，唔急就等下次啦。

有U-fly pass優先購票證嘅朋友可以今晚6點起上去買喇。

以上價格包7kg手提行李，不包括行李寄艙費用及飛機餐。

【出發日期】3月21日至12月31日
【訂票日期】3月7日至3月9日
【寄艙行李費用】
全部航點劃一收費20kg $229、25kg $360、30kg $365

【訂購網址】：booking.hkexpress.com
【預訂教學】：http://flyagain.la/33992
【必睇！香港快運訂票10大Q&A】：http://flyagain.la/9895
【Reward-U全攻略】：http://flyagain.la/38928

（覺得抵可Whatsapp同LINE Share俾朋友）

今晚12點開賣！HK Express飛台灣單程$208、東南亞$248、日韓$368起！12月31日前出發

話咁快又一個月！釜山航空早鳥優惠又殺到，3月7日香港時間10am開賣！

6月份出發限定，包括香港或澳門出發，淨機票單程HK$450起，來回連稅計：香港出發約HK$1,317起、澳門出發約MOP$1,325起。

釜山航空雖然係廉航，但價格已經包咗20kg行李寄艙、機上餐點，都幾抵！航班時間係凌晨機去晚機返，可以玩盡每一日！約定朋友聽朝10點去搶票啦！

【出發日期】6月1日至6月30日
【訂票日期】3月7日香港時間10:00至3月13日14:59或售完即止

【訂購網址】www.airbusan.com
【預訂教學】https://flyagain.la/35704

（覺得抵可Whatsapp同LINE Share俾朋友）

6月出發限定！聽朝10am開賣：釜山航空香港/澳門單程飛韓國釜山$450起，包20kg行李！

樂桃航空5週年優惠日日有新嘢！今日又有日本飛香港嘅回程優惠！即時開賣，只限今天！

沖繩或大阪飛香港單程2,555円（約HK$174）起，連稅及手續費：沖繩出發約HK$204起、大阪約HK$377起。

價格都唔錯，有需要補買日本回程嘅朋友即刻上樂桃日本站或國際站睇睇，手快有手慢冇。

此價不包行李寄艙及飛機餐，寄艙行李每程每件20kg以下2,800yen，約HK$190。

提提您：買樂桃機票，填寫人名時必須：1. 全大階 及 2. 字冇空格，例如您叫Chan Tai Man Peter，姓就要打CHAN，名就要打TAIMANPETER，否則就訂不了！

【出發日期】3月15日至4月13日、4月18日至4月27日、5月8日至6月30日
【機票有效期】不限
【訂票日期】即日起3月6日22:59pm

【訂購網址】
網址（桌面版）：www.flypeach.com
網址（手機版）：mobile.flypeach.com
【訂票教學】http://flyagain.la/34347

（覺得抵可Whatsapp同LINE Share俾朋友）

只限今天！樂桃日本回程又減！沖繩/大阪飛香港單程約$174起！6月30日前出發

好消息！卡塔爾航空歐洲優惠又嚟啦！飛歐洲最平只需3千5蚊，可以1人成行，今次有優惠嘅航點更多，實在吸引呀！

香港經多哈來回歐洲各地只需HK$2,950起，連稅計：斯德哥爾摩HK$3,549起、日內瓦HK$3,588起、阿姆斯特丹HK$3,596起、伊斯坦堡HK$3,755起、布達佩斯HK$3,787起、羅馬HK$3,844起、維也納HK$3,884起、巴黎HK$3,913起、米蘭HK$4,170起、奧斯陸HK$4,199起、巴塞隆拿HK$4,239起、馬德里HK$4,243起、柏林HK$4,305起、慕尼黑HK$4,484起、倫敦HK$4,579起、曼徹斯特HK$4,600起、伯明翰HK$4,600起。（航點眾多，未能盡錄）

今次一共有8個航點劈到4千有找真係幾抵！連出名稅貴嘅倫敦都係4千6，值得入手！而且機票有效期2個月期，適合長玩歐洲，有興趣就到卡塔爾航空官網訂票！

今次優惠需要於搜尋前入折扣Code「NEWYEAR」，見到有紅色星號即係所選日子用到Code啊。

【出發日期】即日起至12月10日（旺季除外）
【機票有效期】2個月
【最後訂票日期】3月12日或售完即止

【訂購網址】www.qatarairways.com/hk
【訂購教學】https://flyagain.la/35195
【又飛啦製作搭乘報告】（波音787-8夢幻客機之旅，經濟艙）http://flyagain.la/h8rc

（覺得抵可Whatsapp同LINE Share俾朋友）

平靚正！連稅劈至3千5！卡塔爾航空狂減：香港來回歐洲$2,950起！12月10日前出發

國泰有個幾抵嘅首爾盤，連稅2千1左右，依家連埋3晚住宿只係比多幾十蚊？嘩！咁抵？還掂都要訂酒店，小小編搵到訂套票仲抵！

以2人同行為例，包國泰航空來回機票＋3晚酒店，每位最平連稅HK$2,274起，同一日子嘅機票都已經要HK$2,188一位啦，即係訂多三晚酒店都只係俾多95蚊咋！（以5月20日去、23日回程，入住克洛伊旅館），而且其他首爾酒店都好平呀，真係好想立即走番轉首爾呀！

當然，首爾咁正，仲有好多其他酒店選擇，小小編仲搵咗其中兩間精選酒店俾大家參考：

新韓國酒店（https://flyagain.la/3aul）4日3夜全包價每位HK$2,565起，鄰近會賢站1號出口，由酒店行去南大門、南山、明洞都好方便，亦可到附近嘅新世界百貨公司Shopping，房價已包早餐；

弘大設計師酒店（https://flyagain.la/halm）4日3夜全包價每位HK$2,907起，鄰近地鐵2號線合井站、弘大站之間，地點方便，亦可乘搭機場巴士6002號直達，往返機場勁方便，加上室內設計獨具一格，啱晒鍾意住潮酒店嘅您；

4日3夜只屬舉例，日子可長可短，最長可8日7夜，其他平價套票可上Expedia香港慢慢搵。出發日期由即日起至5月30日。此外，經Expedia買套票有樣好，可以免費Stay Behind：只要搜尋前剔選”我只需要在部分旅程中入住酒店”，再揀埋需要住房嘅日子就掂，其他日子您住邊都得，勁有彈性。

訂購網址：www.expedia.com.hk

（覺得抵可Whatsapp同LINE Share俾朋友）

超激筍套票！坐國泰，首爾4日3夜套票連稅$2,274起，包30kg行李！5月30日前出發