國泰港龍fanfares嚟到第275週啦，記得今朝08:00就開倉！自由揀日子估計為3月29日至4月29日，指定日子估計介乎2月4日至2月10日，今朝08:00去搶喇！

地點　淨機票 ｜連稅價（評語）
【經濟艙】
南京 HK$880起 | HK$1,247起（慳番啲錢）
河內 HK$1,080起 | HK$1,547起（貴咗啲喎）
福岡 HK$2,380起 | HK$2,705起（可以一戰）
可倫坡 HK$2,480起 | HK$3,196起（冷門常客）
布里斯本 HK$3,480起 | HK$4,588起（澳洲抵入）
蘇黎世 HK$3,980起 | HK$4,596起（睇埋片啦）

【套票】（經濟客艙機票+2晚酒店）
台北 HK$1,610起 | HK$1,998起（好似唔錯）

【套票】（商務客艙機票+2晚酒店）
曼谷 HK$4,830起 | HK$5,283起（筆直行先）

以上只作參考用途，其他稅項及附加費或會有所變動。

網址： www.cathaypacific.com

相關文章：官方親自Share！國泰港龍fanfares至勁搶飛攻略！http://flyagain.la/7434

（覺得抵可Whatsapp同LINE Share俾朋友）

國泰/國泰港龍fanfares，河內福岡蘇黎世布里斯本，今朝8點開搶！

嘩！點玩法呀！由英國去冰島，幾乎平過套澳門船飛呀喂，平到癲咗！好似英國廉航easyJet呢個優惠，小編搵到4月10日出發、4月19日回程，由曼徹斯特來回冰島雷克雅未克，連稅只需£46起（約HK$508）起，如果係3人同行，每位來回連稅更只需£36起（約HK$397）！四舊水都唔駛飛冰島，真係抵到冇朋友！倫敦出發都有，3人同行每人來回連稅£43起（約HK$475）起。查過系統，4月份出發最平，3月份去就會貴啲，平飛唔係日日有，即刻上去搶啦～

至於飛英國依家最平莫過於係漢莎啦，依家香港飛曼徹斯特連稅只係4千多少少（詳情：https://flyagain.la/61635），超罕有咁平！可能5千有找就可以玩齊英國+冰島啦！

【出發日期】3-4月指定日子出發
【最後訂票日期】售完即止

【訂購網址】www.easyjet.com

（覺得抵可Whatsapp同LINE Share俾朋友）

平到癲咗！加3舊幾水玩埋冰島！easyJet倫敦/曼徹斯特來回雷克雅未克連稅£36起(約HK$397)！3-4月出發

正呀！漢莎/奧航/瑞航延長咗之前個歐洲優惠呀，上次Miss咗？今次把握機會買啦！11月30日前出發，香港來回歐洲各地HK$1,370起，連稅計：日內瓦HK$3,746起、米蘭HK$3,939起、巴黎HK$3,942起、哥本哈根HK$3,944起、曼徹斯特HK$4,028起、馬爾他HK$4,054起、巴塞隆拿HK$4,056起、布拉格HK$4,090起、阿姆斯特丹HK$4,098起、威尼斯HK$4,105起、希臘HK$4,161起、羅馬HK$4,181起、巴素爾HK$4,290起、哥登堡HK$4,391起、倫敦HK$5,024起等等。

以上各價都相當唔錯，特別係如果想歐洲轉機嚟講，呢口價算係幾抵！特別值得留意米蘭巴黎唔駛4千蚊，以往貴開嘅曼徹斯特，依家只係4千多啲啲咋！今次優惠仲有一大賣點，就係三間航空公司可以互相搭配（因為同屬漢莎Group），如果坐瑞士航空係經蘇黎世轉機，坐漢莎就經德國轉，或者坐奧地利航空就經維也納轉，一次過試晒兩間唔同體驗！

【出發日期】2月2日至6月24日、9月11日至11月30日
【機票有效期】1個月
【最後訂票日期】2月7日或售完即止

【訂購網址】www.expedia.com.hk
【預訂教學】https://flyagain.la/31983
【Class Code】K Class

（覺得抵可Whatsapp同LINE Share俾朋友）

歐遊筍價！最平3千8有找！揀漢莎/奧航/瑞航都得！香港來回歐洲各地$1,370起，11月30日前出發

泰抵啦！泰國航空做緊大優惠，除咗首爾個價夠晒平之外（詳情：https://flyagain.la/61577），曼谷都抵抵抵！香港來回曼谷HK$1,160（連稅HK$1,616）起，雖然講最平就未必係佢，但泰航始終定價高少少，價錢都算幾吸引，起碼都平過國泰唔少丫，加上航班選擇多，可以早去晚番，加上行李限額有30kg，瘋狂入貨係時候喇！另一航點布吉都有平咗，來回HK$1,880（連稅HK$2,336）起！價啱就上Expedia訂飛啦！

【出發日期】2月2日至2月7日、2月24日至3月27日、4月2日至7月5日
【機票有效期】14日
【最後訂票日期】2月20日或售完即止

【訂購網址】www.expedia.com.hk
【預訂教學】https://flyagain.la/31983

（覺得抵可Whatsapp同LINE Share俾朋友）

泰抵啦！早去晚返靚時間！泰國航空超筍盤！來回曼谷$1,160起！7月5日前出發

尋晚HK Express半夜突發出咗貓頭鷹時段平飛，轉個頭今日下晝又有優惠啦！今日（1月29日16:00）起會推出「買來回，去程$1」優惠！今期開賣6個航點，來回連稅計：峴港HK$832起、布吉HK$950起、釜山HK$1,019起、暹粒HK$1,064起、福岡HK$1,126起、東京（成田）HK$1,248起、大阪HK$1,282起。價錢只屬一般，不過如果有靚時間嘅都值得考慮。記住要Search來回飛先有去程1蚊特價呀～

如果買左Ufly-Pass優先購票證可以依家上去買，其他粉絲就要今日4pm上官網訂。以上價格未包行李寄艙費用及飛機餐。

【出發日期】2月5日至9月10日（旺季除外）
【訂票日期】1月29日16:00至1月31日15:59

全部航點劃一收費20kg $229、25kg $360、30kg $365起

【訂購網址】：booking.hkexpress.com
【預訂教學】：http://flyagain.la/33992
【必睇！香港快運訂票10大Q&A】：http://flyagain.la/9895
【Reward-U全攻略】：http://flyagain.la/38928

（覺得抵可Whatsapp同LINE Share俾朋友）

買來回，去程$1！HK Express來回6個航點：峴港、布吉、釜山、暹粒、福岡、東京連稅$832起！9月10日前出發

九州可以話係繼東京大阪之後，愈嚟愈多人鍾意去嘅地方，九州有多條鐵道線貫穿東西南北，坐JR自由行勁方便！仲可以坐到唔同特色觀光列車，好似人氣超高嘅「由布院之森」、「阿蘇男孩號」等，鍾情鐵道遊嘅朋友更加不容錯過！今次就等小編介紹吓熊本、別府、北九州三大地方嘅特色景點啦！

【熊本】
嚟到熊本，其中一個人氣景點，就係「水前寺成趣園」，喺300多年前已經建成，以桃山式池泉迴遊庭園設計，又透過特別手法呈現日本多處名勝嘅意象，建築古色古香，非常優美。仲可以喺庭園內嘅日式茶屋，享用抹茶同和菓子，放鬆身心。

熊本除咗熊本熊，呢度出產嘅水果都相當出名！熊本吉次園就係超有名嘅農園，全年不同季所都可摘當造水果，包括提子、蘋果、蜜柑、梨等等。旁邊仲有間Cafe，可以食新鮮水果芭菲。

住宿推介：熊本植木温泉「今宵の湯宿 悠然」
洋室連私人露天温泉+早晚餐
HK$1,430起/每人每晚

【別府】
別府最著名嘅景點就係別府地獄，由多個唔同嘅溫泉組成，各有特色，例如藍色泉水嘅「水地獄」、紅色泉水嘅「血之池地獄」等，仲可以浸足湯、手湯等。嚟到別府可以試吓呢度獨有嘅「地獄蒸」料理，特別用上溫泉嘅高溫蒸氣將海鮮同蔬菜等食材蒸熟，鮮味十足，清蒸嘅蔬菜亦寧舍清甜添～

別府除咗溫泉出名，「海濱砂湯」都相當聞名，將身體埋喺暖暖嘅砂堆裡面，大約「浸」10分鐘左右，可以令肩頸等部位筋骨放鬆，身體亦都會變得和暖。

鍾意影相、著和服、又鍾意花？推介大家去HANANINGEN BEPPU(別府花人間)，您可以換上和服，戴上鮮花製作嘅漂亮頭飾，由專業嘅攝影師幫您拍攝日系寫真！

住宿推介：別府-地獄温泉「ホテルうみね」
私人半露天温泉房間+早晚餐
HK$1,680起/每人每晚

【北九州】
嚟到北九州，一定要去日本新三大夜景：皿倉山！可以安排日間大半日遊覽門司港，傍晚起程前往皿倉山。只需搭 JR至八幡站，轉乘免費接駁巴士往皿倉山纜車站，轉搭纜車往展望台。皿倉山夜景有「價值100億美元夜景」之稱，對夜景情有獨鍾嘅朋友，又點可以錯過？

除咗夜景之外，三日月屋嘅牛角包都係唔可以錯過！喺博多站有分店，人氣超高，佢哋生產嘅牛角包仲有多種口味，包括：原味、楓糖、朱古力、芝士、紅豆、蘋果等，店內最具人氣嘅就係原味同楓糖口味，一定要試呀！

【JR北九州鐵路周遊券】
介紹完三個地區，想玩盡北九州？當然必備「JR北九州鐵路周遊券」啦！呢張JR Pass覆蓋多個主要場所，包括：門司港、小倉、博多，由布院、別府、長崎、大分、熊本等，可以乘搭適用區間內嘅特快列車指定席或自由席、普通列車，博多來往熊本仲可以坐新幹線！來往博多至熊本最快只需38分鐘，坐一次新幹線來回車費已經9,220円，而張Pass 3日券價錢只係8,500円，所以用北九州JR Pass係慳到勁多！
經H.I.S.訂購：
JR北九州鐵路3天周遊券價格：$608
JR北九州鐵路5天周遊券價格：$715
經H.I.S.香港訂仲有樣好，可享免費工商區速遞送貨或於順豐站/順豐服務點取件，超方便。如親臨尖沙咀門市購買，更可於付款後約20分鐘領取。

想知更多九州旅遊資訊？可以睇以下影片跟住日籍藝人和泉素行Soko玩盡北九州、熊本同大分！
北九州篇：www.facebook.com/arigatou.hk/videos/1932039746824317/
熊本篇：www.facebook.com/arigatou.hk/videos/1885605874801038/
大分篇：www.facebook.com/arigatou.hk/videos/1909038952457730/

温泉+砂浴+摘水果+夜景！熊本、別府、北九州景點推介！精選溫泉旅館 + JR Pass優惠！

半夜兩點賣平飛究竟係咩玩法？

HK Express 嚟個貓頭鷹時段優惠！最平單程$98起咋！陣間2am開賣，來回連稅計：台中/花蓮HK$586起、石垣島HK$613起、芽莊HK$625起、峴港HK$671起、清邁/清萊HK$689起、高松/廣島/鹿兒島HK$733起、布吉HK$749起、釜山/濟州HK$778起、福岡HK$805起、首爾HK$815起、暹粒HK$823起、東京羽田/名古屋HK$925起、東京成田HK$927起、大阪HK$961起。Last Minute 差張去程回程嘅就啱駛，前提係你未瞓嘅話！平飛集中係三月，未瞓嘅就去訂飛啦！

以上價格未包行李寄艙費用及飛機餐。

【寄艙行李費用】全部航點劃一收費20kg $229、25kg $360、30kg $365

【出發日期】2月5日至3月30日（旺季除外）
【訂票日期】1月29日2am-7am

【訂購網址】：booking.hkexpress.com
【預訂教學】：http://flyagain.la/33992
【必睇！香港快運訂票10大Q&A】：http://flyagain.la/9895
【Reward-U全攻略】：http://flyagain.la/38928

（覺得抵可Whatsapp同LINE Share俾朋友）

極限Last Minute！半夜賣平飛！HK Express單程飛台灣$98、日韓$179起！3月30日前出發

嘩！堅罕有！想平試泰航商務嘅朋友留意啦！泰國航空推出商務優惠：香港來回首爾HK$3,800（連稅HK$4,331）起。4千幾就可以歎商務去韓國，仲係泰國航空呀，真係好好好好抵㗎！冇優惠時要成5千幾㗎，今次平咗成一千，呢口價更直逼「商務平霸」印度航空添呀，可想而知好抵啦！泰航個Lounge仲幾正，有遊戲機、有按摩椅，仲有自助美食，記得去歎吓啦。

另外，泰航經濟艙首爾優惠每位HK$1,520起，詳情：https://flyagain.la/61577。

【出發日期】1月29日至2月12日、2月19日至3月27日、4月2日至7月5日
【機票有效期】14日
【最後訂票日期】3月31日或售完即止

【訂購網址】www.expedia.com.hk
【預訂教學】http://flyagain.la/31983
【Class Code】J Class

（覺得抵可Whatsapp同LINE Share俾朋友）

嘩！堅罕有！泰航商務飛首爾巨劈！直逼平霸印航！來回機票$3,800起！7月5日前出發