新加坡又有平機票！大家準備起程去新加坡快閃狂掃美食啦！

國泰航空再推優惠，香港來回新加坡只需HK$1,150（連稅HK$1,681）起。呢口價已經包咗30kg行李寄艙+飛機餐+機上娛樂。留意番航班時間只限晚機去早機番，咁大家就可以請少一日假，放工就飛，玩足咁多日！價啱即上Hutchgo 訂飛啦！

【出發日期】即日起至12月10日、 2019年1月2日至1月30日、2月10日至3月31日
【機票有效期】7日
【訂票日期】即日起至10月31日

【訂購網址】www.hutchgo.com.hk
【預訂教學】http://flyagain.la/33982

（覺得抵可Whatsapp同LINE Share俾朋友）

【新加坡】快閃獅城！國泰航空香港來回新加坡$1,150起！2019年3月31日前出發

正呀喂！可以歎坐Skytrax 5星長榮之餘，仲有得平，邊有得輸呀！

永安旅遊又有「快閃週末」優惠，今次係訂全線長榮航空香港出發來回機票，即減HK$150！真係超著數呀！快啲睇下小編有咩心水推介啦！

短途方面，梗係首推大本營台灣啦，使用優惠碼後，坐長榮航空香港來回台北只需HK$740（連稅HK$1,128）起；再遠少少嘅日本沖繩都只係HK$1,770（連稅HK$2,099）起、東京HK$2,250（連稅HK$2,690）起！！就算飛澳洲美加都一樣抵玩，好似坐香港來回布里斯本，每位只需HK$1,900（連稅HK$2,952）起、溫哥華HK$2,800（連稅HK$3,399）起。坐長榮航空係經台北轉飛，變相可以一雞兩味，夠哂抵玩呀！

以上只屬精選推介，其他航點都有平！永安旅遊會員於明日（10月5日）登入永安旅遊網或利用永安旅遊手機APP，憑推廣碼GT793預定「全線長榮航空香港出發之來回機票」，每位即減HK$150，不設限額。

提提大家：同一張訂單每位自動減$150，所以多人一齊買都唔洗分開訂單就可以用盡優惠！

【推廣碼】GT793
【出發日期】不限出發日期
【訂購日期】10月5日至10月7日
【訂購網址】flights.wingontravel.com

（覺得抵可Whatsapp同LINE Share俾朋友）

【平機票】超筍優惠碼！訂Skytrax 5星長榮每位即減$150！台灣$740起、日本$1,770起、澳洲$1,900起！

想去滑雪邊度啱？唔駛問，小編一定揀去北海道，比自己一個浪漫嘅白色冬日假期，Club Med依家仲有早鳥優惠，指定地方套票低至六折起，最後9日，係最後9日咋，快啲睇睇有咩啱玩啦！

【北海道TOMAMU】5日4夜一價全包住宿套票每位HK$9,180起
舊年先開幕嘅北海道TOMAMU度假村往年反應都非常熱烈，特別係聖誕及新年期間套票都非常搶手！把握機會搶購呢啲往季期間嘅套票喇！介紹番先，北海道TOMAMU橫跨過百公頃雪山，一共有29條雪道，無論係新手定老手，都有雪道啱你玩呀，更特設夜間滑雪，由朝玩到晚都得！套票更包括滑雪証連滑雪團體課程。村外仲可以大玩日本最大型嘅Mina Mina人造海浪泳池同Ice Village各樣設施，享受優質粉雪，唔識都玩到識呀！

北海道Sahoro 5日4夜一價全包住宿套票HK$7,710起
Club Med另一個北海道滑雪度假勝地！剛進行翻新工程，今季重新開張！擁有全亞洲最佳嘅鬆滑雪質，啱曬滑雪發燒友。客房更加入阿伊努族獨有的圖騰，為旅客打造既具北國特色又溫馨舒適的住房環境。最緊要係，包埋滑雪教練同滑雪証，真係掋到爆呀。

冬天太凍？想歎番個陽光假期？一樣有呀！

【海南島三亞】3日2夜一價全包住宿套票$2,912起
三亞唔駛講真係夠哂近，搭飛機都係個幾鐘就到，嚟嗰五六日三日兩夜都唔錯！而且話哂Club Med三亞度假村擁有22公里長嘅私人海灘，只供住客使用，唔駛同人迫，夠哂私密靜謚，又可以玩盡各式各樣水上活動。村內設三座泳池，仲有小朋友專屬人造沙灘區，亦都係家庭度假嘅絕佳選擇。

【印尼民丹島】4日3夜一價全包住宿套票每位$4,230起
民丹島又有「新加坡後花園」之稱，距離新加坡只需55分鐘船程，好似香港過澳門咁方便，而且仲可以一次過玩埋民丹島！度假村有一應俱全嘅的水陸活動：獨木舟、浮潛、風帆、射箭等，每項活動都有專業G.O從旁免費指導，仲可以享受SPA及按摩療程，可以放鬆身心。

未聽過Club Med？唔緊要，小編立即介紹番先！佢有一個「一價全包」嘅概念，即係話俾咗錢，入面早午晚三餐全包，飲品全日任飲+小食全日任食，仲包晒度假村內多種娛樂設施、水陸活動連教學、兒童俱樂部（兒童照顧服務）等，晚間又有表演活動都係免費參與！如果有小朋友嘅家庭仲可將囝囝囡囡交俾Club Med嘅G.O（即係親善大使）照顧，參加專為小朋友而設嘅活動，父母就可真正享受假期啦！

當然，抵玩套票又點至得咁少，仲有其他套票，包括馬來西亞、馬爾代夫、日本、毛里裘斯、法國、中國等多個熱點，即刻上Club Med網站發掘吓啦！今次優惠適用於11月至2019年4月出發，優惠期至10月12日！無論想享受陽光海灘定冬日假期，你哋有得揀呀！即刻行動啦！

【出發日期】11月1日至2019年4月30日（視乎供應）
【訂購日期】即日起至10月12日
【訂購網址】www.clubmed.com.hk
【優惠查詢】3111 9388

（覺得抵可Whatsapp同LINE Share俾朋友）

【套票】最後9日！Club Med早鳥優惠！一價全包住宿套票六折起：三亞3日2夜$2,912起、北海道5日4夜$7,710起！包晒一日三餐+活動+設施！

香草航空又有優惠！

香草航空會喺聽日（10月5日）下晝2pm起推出優惠：香港飛東京單程HK$288（來回連稅HK$1,045）起，今次出發日期首賣出年二月嘅平飛，而且香草每次做親優惠平飛數量都唔少，番意番只有去程有$288，回程要$388！有興趣聽日下晝上官網買飛。

提提大家，以上價格只包10kg手提行李，不包寄艙行李及飛機餐。
寄艙行李費用：20kg 每程HK$305，之後每5kg $79

【出發日期】10月26日至2019年2月28日（旺季除外）
【訂票日期】10月5日14:00至10月9日10:29（香港時間）

【訂購網址】www.vanilla-air.com.hk
【預訂教學】http://flyagain.la/35536

（覺得抵可Whatsapp同LINE Share俾朋友）

【東京】單程$288！香草航空香港飛東京單程只需$288起！聽日2pm開賣！2019年2月28日前出發

今日HK Express開賣「買來回，去程$1」第二擊，有興趣就上官網訂飛啦！

第二擊來回各個航點連稅計：芽莊HK$786起、清邁HK$865起、濟州HK$1,019起、石垣島HK$854起、廣島/高松/鹿兒島HK$1,054起、東京羽田HK$1,252起，

記住要Search來回飛先有去程1蚊特價呀～

以上價格未包行李寄艙費用及飛機餐。

第一擊：台中HK$724起、峴港HK$832起、清萊HK$865起、布吉HK$965起、首爾HK$1,056起、暹粒HK$1,105起、福岡HK$1,129起、東京成田HK$1,254起、大阪HK$1,289起。

【寄艙行李費用】全部航點劃一收費
20kg HK$229、25kg HK$360、30kgHK$365

【出發日期】10月13日至2019年9月3日（旺季除外）
【訂票日期】即日起至10月7日

【訂購網址】：booking.hkexpress.com
【預訂教學】：http://flyagain.la/33992
【必睇！香港快運訂票10大Q&A】：http://flyagain.la/9895
【Reward-U全攻略】：http://flyagain.la/38928

（覺得抵可Whatsapp同LINE Share俾朋友）

【快運】第二擊！買來回，去程$1！HK Express來回台灣$329起、首爾$599起、日本$799起！2019年9月3日前出發

越南航空又再有筍盤比大家搶啦！

越南消費平，加上可食到正宗越南粉同平價法國餐，真係非常適合週末快閃呀！越航今次優惠機票香港來回河內/胡志明市只需HK$560起，連稅計：胡志明市HK$993起、河內HK$1,032起！價錢幾吸引，航班時間又唔差，胡志明市有得早去傍晚返。優惠可Openjaw，例如河內入、胡志明市走，一次過玩晒兩大城市！越南航空係傳統航空，價錢已包行李包飛機餐，真係好抵！

請留意：去越南持特區護照及BNO均需申請簽證，單次旅遊費用為HK$640，可直接上灣仔道越南領事館申請，需時約4個工作天。想平啲？可以於網上透過越南嘅旅行社代理申請簽證批准信件，再憑信件於入境越南時做落地簽證，費用約USD31-45，但留意落地簽證可能較為耗時。

【出發日期】10月5日至2019年6月30日（旺季除外及視乎供應）
【機票有效期】1個月
【最後訂票日期】10月5日或售完即止

【訂購網址】https://www.vietnamairlines.com

（覺得抵可Whatsapp同LINE Share俾朋友）

【越南】筍價遊越！越南航空來回河內/胡志明市$560起！2019年6月30日前出發